Manjola është lulja më e vjetër në botë: Ja pse çdo shtëpi duhet ta ketë këtë pemë në oborr!

Kjo pemë zbukuruese shumë e përhapur

Historia e manjolës fillon në të kaluarën e largët. Fosilet e magnolies rreth 95 milionë vjet të vjetra janë gjetur në Amerikën e Veriut, Evropë dhe Azi.

Meqenëse manjola (magnolia) ekzistonte përpara shfaqjes së bletëve, insektet me krahë të fortë janë përgjegjëse për pjalmimin e tyre.

Edhe pse ato veprojnë butësisht, petalet e magnolies janë në fakt shumë të forta, të veshura me dyllë, i cili i mbron ato nga dëmtimi gjatë pjalmimit, transmeton Telegrafi.

Emri magnolia u përdor për herë të parë nga botanisti francez Charles Plumi për të përshkruar një pemë të lulëzuar nga ishulli Martinique. Ai e zgjodhi këtë emër për nder të kolegut të tij Pierre Manjol, profesor i botanikës dhe drejtor i Kopshtit Botanik Mbretëror në Montpellier.

Pemët hijerënda të Manjolës ose Magnolia zbukurojnë kopshtet, parqet apo vendet ku mbillen, pasi kanë aromë të ëmbël, formë dhe ngjyrë fantastike.

Varësisht nga lloji, lulja e manjolës mund të jetë e formave të ndryshme – në formë filxhani, në formë ylli, në formë tasi… Ngjyrat variojnë nga e bardha, rozë dhe vjollcë në të verdhë dhe të kuqe. Gjethet e tyre janë të mëdha dhe me shkëlqim, dhe frutat duken si boça pishash. Pasi frutat shpërthejnë, farat bëhen të disponueshme për zogjtë dhe gjitarët që i hanë ato dhe i përhapin më tej.

Magnolitë në përgjithësi rriten si shkurre të larta, por ato gjithashtu mund të formohen në pemë të ulëta, deri në 5 metra të larta. Llojet gjetherënëse zakonisht lulëzojnë para se të gjethet, kështu që lulet e tyre të bukura dalin edhe më shumë në plan të parë.

Shumë e përhapur është Magnolia liliiflora, lulet e së cilës janë të mëdha, në formë filxhani. Lulet, me përmasa rreth 7 cm, nga jashtë janë ngjyrë vjollce të ndezur dhe nga brenda janë të bardha.

Në gjuhën e luleve, manjola është simbol i besnikërisë dhe mbart harmoni për atë që e merr dhuratë, duke afirmuar: ‘’Unë të dua vetëm ty’’. Ajo mbart një mesazh pozitiv, plot forcë dhe gëzim.

Manjola gjithashtu ka vlera shëndetësore në frymëmarrje, në largimin e ankthit, kuron diabetin dhe është anti-alergjik. /Telegrafi/