Barcelona do të mbajë logon e artistit kanadez Drake në fanellën e saj në El Clasico kundër Real Madridit të dielën, më 16 tetor në “Santiago Bernabeu”. Megjithatë, është një lëvizje për të cilën ata mund të pendohen.
Për herë të parë, klubi katalunas do të mbajë logon e një artisti dhe bufit të famshëm të OVO-së, në vend të asaj të sponsorit të saj.
Drake, fitues i katër çmimeve Grammy, është artisti i parë që arrin 50 miliardë klikime në Spotify.
Barcelona njoftoi se “Spotify po jep këtë hapësirë të privilegjuar në fanellën e ndeshjes së Barcelonës si pjesë e një nisme që është pjesë e partneritetit me klubin dhe është përfshirë ndër aktivitetet që do të kryhen në kuadër të partneritetit të të dy markave për të ofruar përvoja inovative për tifozët e futbollit dhe në të njëjtën kohë të ndihmojë në arritjen e audiencave të reja përmes muzikës”.
“Lojtarët e Xavi Hernandez do të veshin një version të veçantë të fanellës në stërvitjen para ndeshjes të së dielës”, thuhet në deklaratë.
“Aty do të shfaqet emri i këngëtarit Drake në anën e pasme të shoqëruar me numrin 50, por me logon Spotify në pjesën e përparme”.
Mallkimi i Drake me futbollin
Në botën e futbollit ekziston një besim se Drake sjell një mallkim.
Gënjeshtra e supozuar që mund të transmetohet nga reperi kanadez është për fatin e keq që u solli disa futbollistëve pasi bëri një foto me ta.
Sergio Aguero, Jadon Sancho, Layvin Kurzaëa, Pierre-Emerick Aubameyang dhe Paul Pogba humbën ndeshjet ose u shoqëruan me fat të keq pasi u fotografuan me Drake.
Drake sjell fat të mirë në basketboll: Toronto Raptors fitoi NBA
Drake është tifozi më i famshëm i Toronto Raptors. Ai është si Jack Nicholson për Los Angeles Lakers.
Reperi kanadez ishte në gjendje të shijonte fitoren e tij të Raptors kundër Golden State Warriors në finalet e NBA të vitit 2019.
Në atë ekip ishin Marc Gasol, Serge Ibaka dhe Sergio Scariolo. /Telegrafi/
