Makinat Tesla kushtojnë 25 për qind më shumë për t’u riparuar se automjetet me naftë ose benzinë

Një kompani amerikane për riparimin e makinave pohon se automjetet elektrike të Tesla-s kushtojnë pothuajse 25 për qind më shumë për t’u rregulluar pas një aksidenti në krahasim me një makinë mesatare me benzinë ose naftë – dhe afërsisht 20 për qind më shumë se modelet me bateri të markave rivale.

Automotive News raporton firma amerikane e riparimit Mitchell – e cila ofron softuer për të menaxhuar riparimet e përplasjeve për pothuajse 25 për qind të riparuesve të përplasjeve në SHBA – zbuloi se makinat elektrike Tesla janë ndër automjetet më të shtrenjta të pasagjerëve për t’u riparuar, për shkak të sistemeve të tyre komplekse teknologjike, transmeton Telegrafi.

Të dhënat e Mitchell tregojnë se kostoja mesatare për riparimin e një Tesla është 5,552 dollarë ndërsa një makinë elektrike jo-Tesla kushton 4,474 dollarë – rreth 20 për qind më pak.

Automjetet tradicionale me benzinë dhe naftë janë akoma më të lira, me një kosto mesatare për riparimin prej 4,205 dollarë – ose 24 për qind më pak se një Tesla. /Telegrafi/