LAJMI I FUNDIT:

Majmuni i një karteli droge u gjet i vrarë pas një shkëmbimi zjarri në Meksikë – ishte i pajisur me një jelek-antiplumb

Majmuni i një karteli droge u gjet i vrarë pas një shkëmbimi zjarri në Meksikë – ishte i pajisur me një jelek-antiplumb

Majmuni i një anëtari të bandës së drogës – i veshur me një jelek antiplumb dhe xhaketë të kamufluar – është vrarë në një shkëmbim zjarri të përgjakshëm që la të vdekur edhe 11 anëtarë të tjerë të kartelit.

Pronari i tij – një i ri rreth të 20-ave që thuhet se ishte në grupin famëkeq kriminal të Meksikës La Familia Michoacana – u gjet i vdekur me disa plagë me armë zjarri, derisa majmuni ishte i shtrirë në gjoksin e tij, transmeton Telegrafi.

Policia hasi në skenën e çuditshme dhe të tmerrshme pas një përleshjeje zjarri midis autoriteteve dhe anëtarëve të kartelit në qytetin Texcaltitlan, Meksikë qendrore, pak më shumë se 96 kilometra në jugperëndim të kryeqytetit, Mexico City.

Majmuni i vogël u gjet me krahët e shtrirë sikur po mbante pronarin e tij, i cili e mbante për shpatulla.

Siç bëhet e ditur, majmuni kishte veshur një jelek antiplumb, një xhaketë me kapuç kaki dhe një pelenë.

Të shtënat ndodhën kur anëtarët e Prokurorisë së Përgjithshme të Shtetit të Meksikës dhe anëtarët e Gardës Kombëtare u përleshën me anëtarët e armatosur të La Familia Michoacana.

“Mexico Daily Post” raporton se 10 burra u vranë në vendngjarje, ndërsa një tjetër vdiq në spital dhe 10 të tjerë u ndaluan.

Tre prej tyre mbeten nën vëzhgim mjekësor pasi u plagosën nga përplasja me armë.

Infobae raporton se pesë nga të arrestuarit janë burra dhe tre janë gra, ndërsa një tjetër është i mitur nën 15 vjeç.

Një tjetër i rritur gjithashtu është shtruar në spital, por nuk janë dhënë detaje rreth tij.

Fotot e “majmunit narko” u bënë virale në internet, pasi shumë përdorues të mediave sociale supozuan fillimisht se ato ishin false.

Megjithatë, policia ka konfirmuar tashmë se fotot janë të vërteta.

Pronari i majmunit thuhet se ishte pjesë e udhëheqësit rajonal të ekipit të sigurisë të La Familia Michoacana – kreu i të cilit quhej ‘El Gorilla – dhe i cili u arratis gjatë bastisjes së policisë të martën, më 14 qershor.

Autoritetet konfiskuan armë të ndryshme duke përfshirë 20 pushkë sulmi, pistoletë, municione dhe automjete në operacion, si dhe morën trupin e majmunit.

Përveç kësaj, autoritetet do të hetojnë gjasat që majmuni – një specie e mbrojtur – mund të jetë trafikuar në mënyrë të paligjshme nga banda e drogës. /Telegrafi/

Në trend Botë

Më shumë
Obama dhe Clinton i dalin në ndihmë Bidenit - një foto me tre presidentët amerikanë do të kushtojë 100 mijë dollarë

Obama dhe Clinton i dalin në ndihmë Bidenit - një foto me tre presidentët amerikanë do të kushtojë 100 mijë dollarë

Amerika
Mercenarët rus të Wagner po vrasin civilët në Mali

Mercenarët rus të Wagner po vrasin civilët në Mali

Afrika
I kishin vendosur për ukrainasit, e pësuan vetë – rusët hidhen në erë nga minat që bashkëluftëtarët e tyre i kishin montuar për ushtarët e Kievit

I kishin vendosur për ukrainasit, e pësuan vetë – rusët hidhen në erë nga minat që bashkëluftëtarët e tyre i kishin montuar për ushtarët e Kievit

Evropa
Publikohen pamjet tronditëse teksa hajduti sulmon me thikë një person në mes të ditës në Londër

Publikohen pamjet tronditëse teksa hajduti sulmon me thikë një person në mes të ditës në Londër

Evropa
Mbështetësit e PKK-së kurde sulmojnë punonjësit e aeroportit në Paris – tentuan të parandalojnë ekstradimin e anëtarit të PKK-së në Turqi

Mbështetësit e PKK-së kurde sulmojnë punonjësit e aeroportit në Paris – tentuan të parandalojnë ekstradimin e anëtarit të PKK-së në Turqi

Evropa
Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe

Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe

Evropa
Kalo në kategori