Macron takon Muskun – presidenti francez tregon se çfarë i tha miliarderit për Twitterin

Presidenti francez, Emmanuel Macron tha se kishte një bisedë “të qartë dhe të sinqertë” me pronarin e Twitter, Elon Musk.

Macron foli me Muskun rreth monitorimit dhe kontrollit të përmbajtjes së rrjetit social, një ditë pasi udhëheqësi francez shprehu shqetësimin për këtë çështje.

“Një politikë transparente ndaj përdoruesve, një forcim i konsiderueshëm i kontrollit të përmbajtjes dhe mbrojtja e lirisë së fjalës – këto janë gjërat që Twitter duhet të përmbushë në mënyrë që të jetë në përputhje me rregulloret evropiane”, shkroi Macron në Twitter.

In line with our ambition for decarbonizing and reindustrializing France and Europe, with @elonmusk we exchanged on future green industrial projects, such as manufacturing of electric vehicles and batteries. pic.twitter.com/uolbo1mTzg

— Emmanuel Macron (@EmmanuelMacron) December 2, 2022

I pari i shtetit francez, i cili po viziton SHBA-në, tha në emisionin “Mirëmëngjesi Amerikë” se duhet të ketë “përgjegjësi dhe kufij” për lirinë e fjalës.

Statisticienët thonë se kanë parë një rritje të gjuhës së urrejtjes në Twitter pasi Musk njoftoi se do të riaktivizonte llogaritë e çaktivizuara që ishin mbyllur nga menaxhmenti i mëparshëm, por me kusht që përdoruesit të mos shkelnin ligjin ose të dërgonin mesazhe spam të pa kërkuar.

Ndryshe, Musk bleu Twitterin më 27 tetor, duke paguar 44 miliardë dollarë. /Telegrafi/