Machine Gun Kelly zbulon se ishte në rehabilitim vitin e kaluar: Nuk i tregova askujt

Reperi Machine Gun Kelly zbuloi në podcast-in “Dumb Blonde” se ai u dërgua në rehabilitim në gusht të vitit 2023.

“Unë nuk pi më. Nuk kam pirë që nga gushti i kaluar”, thotë muzikanti, i cili hyri në rehabilitim pasi mbaroi turneun e tij evropian në vitin që shkoi.

“Nuk i kam treguar askujt. Vetëm njerëzve të afërm. Ishte hera e parë që shkoja në rehabilitim”, tha ai.

Artisti thotë se në rehabilitim ka zbuluar se si të menaxhojë trupin e tij dhe cilat janë metodat e tjera për të përballuar situatat.

Këngëtari ka thënë se pas takimit që pati me terapistët u bë i vetëdijshëm për këtë dhe u pajtua me gjendjen.

Lexo po ashtu Të gjitha lajmet nga Machine Gun Kelly

“U takova me shumë psikiatër, disa hoqën dorë nga unë dhe shumë terapistë bënë të njëjtën gjë. Unë u bëra i vetëdijshëm për gjendjen time dhe bëra paqe me ta”, zbuloi ai.

Megjithatë, ai thotë se Megan Fox e ka ndihmuar shumë gjatë kësaj periudhe.

“Ende e pranoj faktin se ky rrugëtim do të jetë i vështirë për mua. Jam shumë i vështirë me veten, por jam i lumtur që ndihem mjaft komod për t’u treguar njerëzve se kush jam”.

Machine thotë se e ka tepruar me alkoolin dhe marijuanën, por ka përdorur edhe substanca të tjera, si kokainë dhe heroinë. /Telegrafi/