Lukaku bëhet lojtari i parë i huaj më i ri që shënon 100 gola në Ligën Premier

Romelu Lukaku ka shkruar historinë në Ligën Premier duke shënuar golin e 100-të të tij në këtë garë gjatë të shtunës pasdite.

Reprezentuesi belg u transferua te Manchester Unitedi për 75 milionë funte apo rreth 90 milionë euro nga Evertoni verën e kaluar.

Megjithatë, edhe përkundër 26 golave të shënuara në sezonin debutues me Djajtë e Kuq, Lukaku vazhdon të kritikohet.

Lexo po ashtu Kur Jose Mourinho ia huq në vlerësim- Lojtarët që u injoruan nga ai, por u kthyen në yje botëror

Por, Lukaku me golin e shënuar sot (e shtunë) ndaj Swanseas ka bërë një arritje të madhe.

Belgu mori një top nga nga Alexis Sanchez 12 metra larg golit, goditi topin në këmbën e tij të majtë dhe e dërgoi topin pas shpinës së Lukasz Fabianskit.

Me këtë gol të shënuar, Lukaku, jo vetëm që u bë i 28-ti që shënon 100 gola në Ligën Premier, por ai u bë i pesti më i riu që arrin ta bëjë këtë dhe i huaji më i ri që arrin këtë shifër.

5 – Romelu Lukaku is the fifth youngest player to score 100 Premier League goals.

Michael Owen (23y 134d)
Robbie Fowler (23y 283d)
Wayne Rooney (24y 100d)
Harry Kane (24y 191d)
Romelu Lukaku (24y 322d)

Flourish. https://t.co/s47U4jwMl5

— OptaJoe (@OptaJoe) March 31, 2018

Qendërsulmuesi shtatlartë e arrin shifrën e 100 golave në kampionatin elitar anglez me vetëm 24 vjet e 322 ditë.

Lojtari i parë që ka arritur shifrën e 100 golave është Michael Owen me 23 vjet e 134 ditë, ndërsa pas tij vijnë Robbie Fowler, Wayne Rooney dhe Harry Kane. /Telegrafi/