Kush nuk ka shkelur ndonjëherë jashtëqitjen e ndonjë qeni dhe nuk e ka mallkuar pronarin e tij. Qyteti jugor i Spanjës, Malaga, ka gjetur tani një mënyrë të pazakontë për të disiplinuar pronarët e qenve.
Malagasit ende nuk po kuptojnë asgjë. Por policia mjedisore është tashmë rrugës për tek pronarët e qenve. Një detyrë krejtësisht e re për policët: ata kontrollojnë, nëse të gjithë qentë i janë nënshtruar testit të ADN-së.
Qyteti jugor i Spanjës, Malaga, duket se ka gjetur një mënyrë të pazakontë për të disiplinuar pronarët e qenve. Që prej muajit janar aty është në fuqi një rregullore e re: të gjithë qentë duhet të regjistrohen në bazë të ADN-së, shkruan DW.
“Që nga 15 janari janë në fuqi gjobat. Tani vetëm po ju informojmë, por herën tjetër do t’ju gjobisim”, u thotë polici disa kalimtarëve që kanë dalë shëtitje me qentë e tyre.
Po si funksionon lufta kundër jashtëqitjeve të qenve? Për shembull nëse një qen dhjet fshehurazi, atëherë shtrohet pyetja, kush e bëri? Në zonat e banuara dhe në parqe ka mjaft “mina” anonime që kanë lëshuar qentë. Prej tani pronari i qenit do të dënohet me 500 euro nëse nuk e mbledh mutin që ka bërë qeni i tij në rrugë apo parqe.
Dhe për habi shumica e malagasve nuk mendojnë se gjoba është e lartë.
“Unë jam dakord me shumën. Dënimi duhet të ketë efekt frikësues. Dhe që pronarët e qenve ta mbledhin jashtëqitjen e qenve, dënimi duhet të jetë vërtet i lartë”, thotë një grua. “Të vjen ndohtë kur sheh jashtëqitjet e qenëve në rrugë, ose kur sheh fëmijët që luajnë në park dhe shkelin pisllëqet e qenve”, shton një tjetër.
Nga analiza e ADN-së në jashtëqitjen e qenve mund ta gjesh lehtë pronarin dhe ta ndëshkosh atë.
Këshilli bashkiak i Malagës e mori këtë vendim një vit e gjysmë më parë. Dhe Luis Medina-Montoya, drejtor i Mjedisit, në bashkinë e qytetit thotë se të gjitha partitë e përfaqësuara në këshillin bashkiak janë dakord me vendimin. Ai është krenar që projekti i ADN-së tani po fillon të veprojë.
Dritë e gjelbër për një projekt ambicioz që deri tani në Evropë është realizuar vetëm në qytete të vogla, por jo në qytete të mëdha.
Po si regjistrohen qentë? Veterineri Emilio u merr gjak qenve, pastaj e dërgon gjakun për analizë dhe u vë qenve një shenjë në rripin e qafës, në mënyrë që policia ta shikojë që nga larg që qeni është i regjistruar.
Në këtë mënyrë mund të kontrollohen të gjithë qentë e qytetit, thotë Emilio. Por realiteti është ndryshe: kur kontrollorët shohin jashtëqitjet e qenve në rrugë është e vështirë që ata ta gjejnë se kush i ka bërë ato.
Deri tani në regjistrin e ADN-së në Malagë janë regjistruar vetëm 20,000 nga 100,000 qentë e qytetit. Dhe ka dyshime madhe se qentë i kanë regjistruar vetëm pronarët e mirë që e mbledhin me qese jashtëqitjen e qenve dhe jo neglizhentët.
Shumica e jashtëqitjeve të mbledhura në laboratorin e ADN-së u përket qenve të paregjistruar. Por përfundimet e analizave regjistrohen, në mënyrë që nëse gjendet pronari ai të vihet para përgjegjësisë.
Po me qentë e turistëve si është puna. Ata nuk testohen dhe nuk dënohen. Megjithatë Malaga e sheh veten si pararojë. “Ne na kanë ardhur kërkesa edhe nga Madridi dhe qytete të tjera të mëdha që kërkojnë të mësojnë nga përvoja jonë dhe që të marrin ndoshta vendime të ngjashme”, thotë Luis Medina-Montoya.
Pra se mos harroni ndonjëherë të merrni me vete qeset, ndryshe ju presin gjoba të majme. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Policia e Karolinës së Veriut tronditet kur pas raportimit për një hardhucë të madhe gjejnë një iguana mbi një metër të gjatë
Kopshti zoologjik pikturon qentë për t’u dukur si panda, ngjall zemërim te vizitorët
Një sfidë e cila vë në pah forcën e muskujve është bërë virale në rrjete sociale
Video virale nga plazhi kroat: Gruaja dëshiroi moment romantik, burri ia prishi ‘ëndrrën’ asaj
Policia e Karolinës së Veriut tronditet kur pas raportimit për një hardhucë të madhe gjejnë një iguana mbi një metër të gjatë
Nuk kishte para për të blerë shtëpi, adoleshenti nga Britania transformon garazhin e prindërve – iu deshën vetëm 15 mijë funte
Film pornografik në gjithësi?
Vjehrra
Mësuesja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron