Korporata Energjetike e Kosovës (KEK) njofton se është kthyer në funksion blloku A3 dhe B2.

Reklama

Sipas KEK-ut, B2 tashmë është duke prodhuar rreth 260MW/h, ndërsa A3 po prodhon 130MW/h.

“Korporata Energjetike e Kosovës (KEK) njofton opinionin se pas një angazhimi maksimal të ekspertëve, menaxhmentit dhe gjithë punonjësve të korporatës sot ka përfunduar remonti i rregullt në njësinë prodhuese B2, kjo njësi tashmë është duke prodhuar rreth 260 MW/h. Njëherësh mëngjesin e sotëm ka përfunduar edhe sanimi i rrjedhjeve të ujit në njësinë A3, kjo njësi gjithashtu është kthyer në prodhim me kapacitet prej rreth 130MW/h”, njofton KEK.

“Korporata Energjetike e Kosovës ju siguron që do të vazhdoj me përkushtim t’i përfundoj edhe remontet e rregullta në njësitë tjera konform planit në mënyrë qe deri ne fillim të sezonit dimëror të operoj me dy njësi të TC-A dhe dy njësi të TC-B me kapacitet prej rreth 800MW/h”, shton korporata.

Reklama
Reklama

Po ashtu, lajmin për Telegrafin e ka konfirmuar nënkryetari i Sindikatës së Re të Punëtorëve të KEK-ut (SPREK-KEK), Nexhat Llumnica.

“Është lëshuar në funksion blloku B2. Tashmë dy blloqet e ‘Kosova B’ janë në funksion dhe po prodhojnë 500 megavat për orë. Po ashtu, edhe një bllok i ‘Kosova A’ është në funksion, e që pritet ta lehtësoj gjendjen e rrymës në vend”, tha Llumnica.

Ai gjithashtu në profilin e tij në Facebook ka falënderuar punëtorët e KEK-ut për angazhimin e rikthimit të blloqeve.

“Faleminderit gjithë punëtorëve të KEK-ut për angazhimin maksimal në punë për kthimin blloqeve në prodhim. Njëkohësisht besojë shumë që qytetarët e Kosovës do të kanë rrymë”, ka shkruar ai.

Reklama

Nga 15 gushti, KEDS kishte filluar reduktimet e energjisë elektrike me nga 2 orë në ditë për çdo 6 orë.

Reklama
Lexo po ashtu:
S'ka rrymë, ka rrymë – çfarë po ndodh me krizën energjetike në Kosovë? S'ka rrymë, ka rrymë – çfarë po ndodh me krizën energjetike në Kosovë?

Në fillim të këtij muaji, deputetët e Kuvendit të Kosovës kanë votuar vendimin e Qeverisë për vendosjen e masave emergjente në furnizimin me energji elektrike.

Sipas arsyetimit, ky vendim është marr nga gjendja aktuale botërore energjetike. Këto masa do të mbesin aktive për 60 ditë.

Kujtojmë se në fund të vitit të kaluar, qeveria kishte marr vendim për shpalljen e gjendjes emergjente me energji elektrike. /Telegrafi/