Live apo playback?
Live apo playback? Janë plotësisht përvoja të ndryshme dhe nuk ka kuptim ti krahasosh. Vetëm nëse vizitojmë cilindo kanal të këngëtarit apo këngëtares tonë të preferuar, në kuadër të performancave të tyre live, do të jemi në gjendje të dallojmë shprehjet e tyre të fytyrës, lëvizjet, gjestet, çirrjet… sepse interpretimi është “Ligj i skenës”. Nuk do të ishte e njëjta gjë po të shikonim performancat e tyre playback. Edhe regjistrimet, incizimet të cilat bëhen që i ndajnë këto kategori, janë dy gjëra ndryshe.
Muzika playback është për tru e vesh, kurse muzika live është muzikë për shpirt! Muzika ka të njëjtin efekte si tek të rinjtë, edhe tek të moshuarit. mirëpo ajo që i dallon është mënyra e të përjetuarit. Shpesh na ndodh të jemi prezent në koncerte e manifestime të ndryshme dhe kënaqësia është e madhe deri në momentin kur muzikanti ndalon. Atëherë ndalon gjithçka dhe thua me vete: sa keq që nuk e kam të regjistruar në CD që ta dëgjoj përsëri e përsëri.
Nga ana tjetër, muzika e incizuar të jep mundësi të njohësh këngëtarë të vjetër të cilët tashmë në një formë ose tjetrën e kanë lënë këtë botë, por që këngët e tyre jetojnë me ne.
Të këndosh live është një eksperiencë shumë emocionuese. Pikërisht për shkak të këtij emocioni shumë këngëtarë japin gjithçka nga vetja në mënyrë që ta kënaqin sa më shumë publikun duke harruar kështu perceptimin që kanë menaxherët e tyre se muzika është biznes dhe konkurrencë. Por, besoj se për “të mirët” ka vend gjithmonë.
Interpretimi live dita ditës po shtohet, por prapë me ritëm të ngadalshëm. Mirëpo, ai nuk tradhton, pavarësisht nga problemet e mundshme teknike, të cilat në vendin tonë janë të dukshme, por edhe të kuptueshme për një transmetim drejtpërdrejt.
Interpretimi i gjallë të jep mundësinë të shijosh jo vetëm tingujt e pianos, harqeve, instrumenteve frymore dhe aftësinë e këngëtarëve për të përballuar një skenë çfarëdo çoftë ajo: festivali apo ndonjë lloji tjetër.
Sigurisht që interpretimi live në skenë është më me vlera, ai duhet të jetë më shumë prezent.
Të dëgjuarit e muzikës live pa diskutim është njëra ndër mënyrat më të mira për ta kaluar kohën e lirë, kur jemi pa disponim dhe nuk ndihemi në humor. Performanca live sjellë një përvojë të paharrueshme kur krahasohet me videoklipin e xhiruar, aq më tepër kur na mundëson edhe ne në një formë të jemi pjesë duke kënduar, sepse shpesh herë kemi hasur raste kur këngëtari udhëheqë turmën qoftë duke kënduar, duartrokitur ose vallëzuar.
Në vendet e Evropës e Amerikës, zakonisht në kohën kur organizohen koncerte të mëdha, që tërheqin vëmendje e të rinjve, bënë që ata të udhëtojnë me kilometra larg për të marr pjesë. Në këtë mënyrë, duke shëtitur ata njohin kultura të reja për muzikën.
Bota sot është e përfaqësuar nga teknologjia. Pothuajse në çdo aspekt të jetës. Interneti është vendi që tërheqë pas vetes një varg liste të muzikës; kuptojmë cilat janë koncertet e radhës përmes rrjeteve sociale; rezervojmë bileta… Pra, internet teknologjia është pikërisht çelësi, e veçmas për këngët të cilat kanë ide dhe përcjellin mesazhe domethënëse e pozitive.
Shumica e restoranteve dhe lokaleve, pa diskutuar shijet të cilat janë bindje personale, kanë muzikë live së paku dy herë në javë. Kini pak vëmendjen dhe kërkoni t’i prenotoni. Besoni, do të jetë tepër argëtuese!
Promo
Reklamo këtuLufta Prigozhin - Putin
Më shumë25 vjet burgim për Enver Sekiraqën
Skuadrat që përfitojnë më shumë nga fanellat e tyre – askush nuk mund të mposhtë numrin 1
Artistja 77 vjeçare Cher tregon pse lidhet me djem të rinj: Sepse ata të moshës time, thuajse të gjithë kanë vdekur
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
Thellohen humbjet e Rusisë: Mbi 100 ushtarë rusë të vdekur nga sulmi i fundit i ukrainasve me ATACMS
Modric ka një “plan B” në rast largimi nga Reali Madridi, do të luante në Ligën e Kampionëve me fanellën e një gjiganti tjetër
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe