Lekë Fazlija është pjesëmarrësi i radhës në emisionin TM kids.

Reklama

Shtatë vjeçari nga qyteti i Tetovës, mahniti me përgjigjet e tij, teksa kontaktin me kamerën dhe pyetjet e gazetarit dukej sikur i ka të njohur shumë kohë më herët.

Me përgjigjet e tij spontane dhe me shumë kuptim, Leka na rrëfeu botën e tij plot ëndrra.

Ai ishte një roker i vogël, i cili pëlqen muzikën rock, por pasionin e tij përveç muzikës e ndan dhe për futbollin. Futbollisti i tij i preferuar është Messi, madje për shkak të idhullit të tij ai dëshiron të vizitoj Argjentinën, pa lënë anash as Anglinë dhe Francën.

Reklama

Leka përveç emrit shumë të bukur shqip tha se ndihet krenar që është shqiptar, sepse Shqipëria si shtet ka bukuri mahnitëse.

Reklama

Leka për dallim nga shumë moshatarë të tij nuk i preferonte rrjetet sociale, madje ai kishte kritika për materialet që shfaqen në TikTok.

Leka na tregoi se tezet e tij i japin një përkrahja të veçantë në ëndrrat që ai ka dhe se për ti bërë familjarët e tij të lumtur ai nuk hezitonte të dhuroi përqafime apo dhurata.

Për aq kohë sa Leka ishte mysafir në studion tonë, solli shumë energji pozitive me sinqeritetin dhe botën e tij plot ngjyra.

Reklama

Rrëfimi i tij asesi nuk duhet humbur, ndaj ju mund ta ndiqni në videon e poshtë vendosur.