Deputeti i Aleancës për Ardhmërinë e Kosovës (AAK), Pal Lekaj, ka dhënë detaje se pse lideri i AAK-së, Ramush Haradinaj, e ka lëshuar sot takimin me kryeministrin Albin Kurti.

Reklama

Lekaj, i ftuar në emisionin “Debat Plus” në RTV Dukagjini, tha se opozita nuk ishte ftuar nga kryeministri për të kuptuar ndonjë plan veprimi për të dalë nga situata aktuale.

“Zotëri Kurti nuk e ka ftuar opozitën që të tregojë ndonjë plan të veprimit, t’i tregojë opsionet e veta sesi dilet nga zgjidhja, ka filluar të bisedojë për Podgoricën, Sarajevën, Shkupin dhe Beogradin, dhe kështu mendoj që ka qenë jo e pranueshme për zotëri Haradinajn”, ka thënë Lekaj.

Reklama

Ai ka shtuar se një gjë e tillë, ka qenë fyese për Haradinajn, dhe sipas Lekaj, me të drejtë ai e ka lëshuar takimin.

Reklama

“Ka qenë mjaft fyese për Haradinajn dhe me të drejtë e ka lëshuar takimin, dhe nëse një kryeministër e fton opozitën dhe sillet në atë mënyrë, mendoj që është e papranueshme jo vetëm për Haradinajn, por për të gjithë spektrin politik”, ka shtuar Lekaj.

Lekaj ka shtuar se pozicioni i AAK-së ka qenë mbështetës i veprimeve që kanë qenë në favor të sigurisë së vendit. Madje, ai ka shtuar se edhe ftesave që kryeministri i Kosovës i ka bërë, AAK-ja u është përgjigjur pozitivisht.

Reklama

Ndërkaq, ai ka theksuar se në situata të tilla, nga të cilat, rrezikohet siguria e vendit “nuk guxojmë të sillemi sikur nuk ka ndodhur asgjë”.

“Për ne është e papranueshme dhe ne e kemi marrë seriozisht këtë gjendje sot, ndërsa në parlament jemi marrë me çështjen e energjisë, është dashur që sot Kryeministri në parlament t’i infromojë deputetët e vendit për situatën në veri”, ka përfunduar Lekaj.

Reklama

Sipas Lekaj, opozita gjendet në një terr informatik, gjersa në kushte të tilla sikur sot, ai ka thënë “një kryeministër i vendit të mos jetë serioz është e pakuptimtë”.