Legjenda Ferrari 250 GTO është përsëri në shitje

GTO Engineering është një kompani në Mbretërinë e Bashkuar që ka shpallur Project Moderna, i cili do të ndërtojë një interpretim modern të modelit legjendar Ferrari.

Njoftimi i projektit u pasua nga entuziazmi i adhuruesve të kësaj klasike, dhe për këtë arsye kompania vendosi të informojë publikun për ecurinë e projektit.

Dhe po, nëse përjashtoni pamjen, gjithçka është e re këtu, kështu që ata e quajnë makinën e tyre të ardhshme në kompani “ringjallje”, transmeton Telegrafi.

Përkundër tendencave aktuale, motori atmosferik V12 u zgjodh për të furnizuar këtë makinë speciale.

“Për ekipin tonë, motori dhe estetika janë dy pjesët më të rëndësishme të një makine, kështu që ne filluam nga atje me kaq entuziazëm”, shpjegon Mark Lyon, themeluesi i kompanisë, duke punuar në projekt.

Motori do të përputhet me një transmision manual, ndërsa baza e makinës do të jetë një shasi çeliku tuba, por me nënkorniza të bëra prej alumini.

Pamja e makinës përcaktohet plotësisht nga origjinali, dhe problemi i vetëm do të jetë nevoja për tu përshtatur me faktin se njerëzit sot janë mesatarisht më të gjatë se sa në vitet 1960.

GTO Engineering tani ka hapur zyrtarisht listën e porosive, por nuk ka njoftuar publikisht çmimin fillestar, as datën e dorëzimit të makinës. /Telegrafi/