Protesta e së shtunës për nga masiviteti do të jetë më e madhja dhe do të jetë paqësore. Leja për të protestuar është marrë nga Komuna e Prishtinës, ndërsa është lajmëruar edhe Policia e Kosovës se me 14 maj do të protestohet në sheshin e kryeqytetit. Kështu është shprehur në emisionin “Kontakt’ në Tribuna Channel, Smajl Latifi, anëtar i kryesisë së AAK-së.
Ai ka treguar edhe skenarin e protestës, duke thënë se nuk do të ketë marsh sikurse në protestat e kaluara, por se do të ketë kërkesa.
“Në protestë po ashtu do të kërkohet dorëheqja e qeverisë. Ftoj të gjithë ta shfrytëzojnë rastin dhe të dalin në të”, ka deklaruar Latifi.
Ai pret që në protestë të ketë edhe anëtarë të Lëvizjes Vetëvendosjes.
“Nëse ka opozitë të mirëfilltë që angazhohet për të mirën e Kosovës, po del që është AAK dhe Nisma për Kosovën”, ka thënë ai.
Latifi ka folur edhe për demarkacionin me Malin e Zi dhe dërgimin e mundshëm të marrëveshjes në Kuvendin e Kosovës. Ai tha se liberalizimi i vizave vjen edhe pa ratifikim të marrëveshjes së Demarkacionit.
“Nuk besoj që është vullnet i BE-së që ta kushtëzojë Kosovën me demarkacionin për heqjen e vizave”, ka thënë Latifi. /Tribuna/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251