I dërguari i posaçëm i Bashkimit Evropian për dialogun Kosovë-Serbi, Miroslav Lajçak, ka takuar presidentin serb, Aleksandar Vuçiq në Beograd.

Reklama

Përmes një shkrimi në Twitter, Lajçak ka bërë të ditur se ka diskutuar për rrugën drejt normalizimit të mardhënieve mes dyja vendeve.

“Në Beograd sot, diskutova rrugën përpara për normalizimin e marrëdhënieve si vazhdim i takimeve të fundit të Dialogut me presidentin serb, Aleksandar Vuçiq”, u shpreh ai.

Tutje theksoi se është folur edhe për kthimin e serbëve të Kosovës në institucione, personat e zhdukur e energjinë.

“Ne folëm edhe për çështjet aktuale, duke përfshirë kthimin e serbëve të Kosovës në institucionet e Kosovës, Udhërrëfyesin e Energjisë dhe personat e zhdukur”, shkroi Lajçajk.

Reklama

Që nga fillimi i mandat të EULEX-it e deri më 19 nëntor 2020, misioni i BE-së ka kryer 662 operacione në terren për gjetjen e personave të pagjetur, përfshirë këtu 169 gërmime.

Reklama

Po ashtu janë identifikuar mbetjet mortore të 457 personave, përfshirë 317 të pagjetur.

Më shumë 1.640 njerëz nga Kosova, shumica shqiptarë, ende konsiderohen si të pagjetur. /Telegrafi/