Lagarde i bën thirrje Gjermanisë dhe Holandës të shpenzojnë më shumë

Presidentja e ardhshme e Bankës Qendrore Evropiane, Christine Lagarde tha se vendet e Eurozonës që kanë teprica të mëdhenj buxhetorë, duhet të investojnë më shumë për të nxitur rritjen ekonomike.

Gjatë një interviste pak ditë përpara se të marrë detyrën e saj të re në krye të institucionit në Frankfurt, Lagarde përmendi Gjermaninë dhe Holandën si vendet që duhet të përdorin suficitet për të shpenzuar më shumë.

“Vendet që kanë hapësirë buxhetore, nuk kanë bërë përpjekje të mjaftueshme për të rritur shpenzimet. Po flas për vende që kanë aktualisht suficite të mëdha buxhetore, si Gjermania dhe Holanda. Pse të mos përdoret ky suficit për të investuar në infrastrukturë, sektor që ka nevojë për investime, apo edukim dhe inovacion”, u shpreh ajo.

Lexo po ashtu Lagarde lajmëron detyrat e reja në BQE

Ekzistojnë konflikte brenda Eurozonës, që janë reflektuar edhe në bordin e Bankës Qendrore Evropiane, për mënyrën se si të nxitet rritja ekonomike, që ndodhet ende në ngadalësim një dekadë pas krizës botërore financiare.

Disa shtete në Eurozonë mbështesin qasjen konservatore, duke u mbështetur kryesisht tek politikat monetare. Vende të tjera si Franca, që është edhe origjina e Lagarde, mendojnë se duhen rritur investimet publike. /Telegrafi/