MacBook Pro 16-inç Pro është përfolur për mjaft kohë dhe imazhet e pajisjes janë zbuluar nga vetë Apple në një Beta të macOS Catalina.

Sipas thashethemeve, Apple do të shkurtojë kornizat, në mënyrë që të shfaq një ekran më të madh.

Thashethemet më të fundit sugjerojnë që do të ketë një çelës të veçantë të energjisë dhe sensorin Touch ID dhe tani MacRumors ka publikuar imazhin më poshtë, i cili mund të jetë i laptopit në fjalë.

Imazhi tregon një MacBook Pro me konriza më të holla, i cili është në përputhje me atë që kemi parë tashmë.

Ai zbulon gjithashtu një sensor të pavarur Touch ID, i cili përsëri, është i konfirmuar nga raportet e mëparshme, së bashku me një çelës fizik Esc.

ApplePaySplashSA_J152@2x.png

Krahas konceptit më poshtë, raporti sugjeron që MacBook Pro 16 inç do të ketë një kartë grafike AMD Radeon RX 5300M ose 5500M.

Edhe pse është shumë e mundshme që imazhi të jetë i pavërtetë, duket se përfaqëson me saktësi të gjitha tiparet që u përfolën më herët. /Telegrafi/