LAJMI I FUNDIT:

Ky është qyteti më aromatik në Evropë. Kur të lexoni titullin, me siguri do të mendoni: “Epo, qytetet nuk mbajnë erë”

Ky është qyteti më aromatik në Evropë. Kur të lexoni titullin, me siguri do të mendoni: “Epo, qytetet nuk mbajnë erë”

Herën tjetër që planifikoni një udhëtim, mos ndiqni zemrën tuaj – ndiqni hundën dhe zgjidhni këtë qytet

Zakonisht qytetet kanë industri, një prani të madhe smogu dhe nuk është pikërisht ajo që ne i imagjinojmë të jenë aromatike. Në to ka shumë njerëz, automjete, mbeturina e shumë gjëra të tjera që sigurisht nuk kanë erë të këndshme.


Mirëpo, së fundmi është kryer një studim në të cilin janë analizuar erërat e 30 qyteteve të mëdha, të gjitha me synimin për të zbuluar se cili prej tyre ka erë më të mirë.

Për qëllimin e hulumtimit, janë analizuar faktorët duke përfshirë pastërtinë, numrin e luleshitësve, furrave të bukës dhe dyqaneve të parfumeve për kilometër katror, në mënyrë që t’i jepet çdo qyteti një “vlerësim aromash”.

Dhe, qyteti që gjeti rrugën e tij në krye të listës ishte Athina, Greqi. Po, është e vërtetë – kryeqyteti grek është qyteti më aromatik në Evropë, transmeton Telegrafi.

shutterstock

Arsyeja për këtë vlerësim ndoshta qëndron në dyqanet e shumta në rrugët e qytetit që ofrojnë erën e produkteve të freskëta, barishteve dhe specialiteteve të ndryshme greke.

Athina është një festë për shqisat, me një rezultat 8.3 nga 10 kur bëhet fjalë për aromën e qytetit. Nga pogaçja e ëmbël te bakllavaja, furrat e qytetit dhe si kontribuojnë në aromat e këndshme.

Qytetet më aromatike në Evropë

Athina është gjithashtu një parajsë lulesh, me 31 luleshitës dhe 22 parfumeri për 10 kilometra katrorë, që do të thotë se aromat delikate mund të ndjehen në çdo pjesë të qytetit. Angazhimi i qytetit për pastërtinë reflektohet edhe në Indeksin e Efiçencës Mjedisore (EPI), i cili është relativisht i lartë. Kështu që herën tjetër që planifikoni një udhëtim, mos ndiqni zemrën tuaj – ndiqni hundën dhe zgjidhni Athinën.

Vlen të përmenden qytete të tjera që ishin në listën e qyteteve evropiane me erën më të bukur. Parisi, me ambientin romantik dhe bulevardet elegante, fitoi medaljen e argjendtë, i ndjekur nga Cyrihu, i njohur për pastërtinë dhe bukurinë e tij natyrore.

Në dhjetëshen e parë janë gjithashtu Dublini, Luksemburgu, Nikosia, Kopenhaga, Bukureshti, Valleta dhe Amsterdami. /Telegrafi/

Në trend Stil

Më shumë
Më e mirë se edhe pika G: Prekeni këtu dhe do ta çmendni nga kënaqësia!

Më e mirë se edhe pika G: Prekeni këtu dhe do ta çmendni nga kënaqësia!

Intimitet dhe Pasion
Ky është qyteti më aromatik në Evropë. Kur të lexoni titullin, me siguri do të mendoni: “Epo, qytetet nuk mbajnë erë”

Ky është qyteti më aromatik në Evropë. Kur të lexoni titullin, me siguri do të mendoni: “Epo, qytetet nuk mbajnë erë”

Çfarë të vizitosh
Shumica gabojnë: Ja pse duhet të lani shtrojat e krevatit vetëm në këtë temperaturë

Shumica gabojnë: Ja pse duhet të lani shtrojat e krevatit vetëm në këtë temperaturë

Bëje vet
Si të blini dhe vishni një kostum: Ekziston një rregull i madh kur bëhet fjalë për xhaketat me tre kopsa

Si të blini dhe vishni një kostum: Ekziston një rregull i madh kur bëhet fjalë për xhaketat me tre kopsa

Stil
Si të lani një jorgan në rrobalarëse dhe si të hiqni çdo njollë?

Si të lani një jorgan në rrobalarëse dhe si të hiqni çdo njollë?

Këshilla dhe ide
Është koha për ndryshime: Datat në prill që sjellin me vete ngjarje të turbullta

Është koha për ndryshime: Datat në prill që sjellin me vete ngjarje të turbullta

Astrologji
Kalo në kategori