LAJMI I FUNDIT:

Kuvendi miratoi në parim buxhetin e Kosovës për vitin 2023

Kuvendi miratoi në parim buxhetin e Kosovës për vitin 2023

Kuvendi i Kosovës me 64 vota pro, ka miratuar sot në parim Projektligjin për ndarjet buxhetore për buxhetin e Kosovës për vitin 2023.

Kundër miratimit të buxhetit votoi vetëm deputeti i Lëvizjes Vetëvendosje Fatmir Humolli, ndërsa deputetët e partive opozitare u përmbajtën nga votimi.

Ai ishte shprehur se ky projekt buxhet dëmton sigurinë e vendit dhe se po anashkalon veteranët e luftës, sigurimin e policisë dhe të Forcës së Sigurisë së Kosovës.

Pas përfundimit të kësaj pike, kryetari i Kuvendit, mbylli punimet e seancës plenare.

Buxheti i Kosovës për vitin 2023 pritet të jetë 3,2 miliardë euro, ishte miratuar në mbledhjen e Qeverisë së Kosovës e cila është mbajtur gjatë muajit tetor të këtij viti, kurse në seancën e sotme është miratuar në parim.

Ndërkohë, Kuvendi nesër sërish do të mblidhet në orën 13:00, ku do të ketë debat parlamentar për gjendjen në shëndetësi.