Dy dekada më parë, mediet serbe shkruanin për përfshirjen e disa anëtarëve të Agjencinë për Siguri dhe Informim (BIA), në vrasjen e ish-kryeministrit Zoran Gjingjiq.
Gazetarët serbë shkruanin se pavarësisht njoftimeve zyrtare se pas vrasjes së Gjingjiqit kjo cështje do të trajtohej nga BIA, përkundrazi nuk është marr parasysh as gjatë gjendjes së jashtëzakonshme.
Ishte shqyrtuar vetëm puna e medieve dhe e gjyqësorit edhe pse Qeveria serbe pati thënë se do të ngrihej çështja e përgjegjësisë, për secilin zyrtarë të përfshirë.
Pas vrasjes së ish-kryeministrit serb, ka pasur dyshime se pjesëtarët e BIA-s kishin një rol shumë domethënës në ofrimin e mbështetjes logjistike për organizatorët dhe autorët e atentatit.
Këto dyshime më vonë u vërtetuan me arrestimin e dy anëtarëve të BIA-s, Branislav Bezareviq dhe Toni Gavriq.
Ata të dy po “siguronin” vilën në Dedinje ku jetonte Gjingjiqi dhe se Bazareviqi kishte marr 1,200 euro ryshfet nga një pjesëtar i “Klanit Zemun” për të dhënë informacione për lëvizjen e makinës së ish-kryeministrit në drejtim të ndërtesës së Qeverisë së Serbisë, më 12 mars, pra në ditën fatale të atentatit.
Disa ditë pas vrasjes së tij, Jovica Stanishiq, shef i Departamentit të Sigurimit të Shtetit (RDB) në vitet 1991-1998 dhe bashkëpunëtori i tij i ngushtë Franko “Frenki” Simatoviq që ishte një nga themeluesit e Njësisë famëkeqe të Operacioneve Speciale (JSO), u arrestuan.
Më pas është arrestuar edhe ish-zëvendësshefi i BIA-s, Milorad Bracanoviq. Ai ishte zëvendës i Andreja Saviqit dhe të dy u zëvendësuan në shkurt të vitit 2003, por përkundër kësaj, Bracanoviq mbeti në pozitën udhëheqëse të BIA-s.
Bracanoviq iu bashkua Departamentit të Sigurimit të Shtetit në vitet 1970, ku mbajti një post të rëndësishëm deri në mesin e viteve 1990, për t’u emëruar në detyrën shefit të JSO-s dhe zëvendëskomandant i këtij formacioni.
Ai ishte në atë pozitë në kohën e vrasjes së katër anëtarëve të PSP-së më 3 tetor 1999 dhe në kohën e kidnapimit dhe vrasjes së ish=presidentit serb Ivan Stamboliqit më 25 gusht 2000, ndërsa komandant i JSO-s ishte Milorad Lukoviq – Legija.
Pas protestave të 5 tetorit 2000, Bracanoviq mbeti në të njëjtën pozitë dhe pas rebelimit të anëtarëve të JSO-s në nëntor 2001, u gradua në postin e nënkryetarit të BZHR-së, ku qëndroi deri në janar 2003.
Siç konfirmuan shumë burime joformale të asaj kohe, gjatë negociatave me përfaqësuesit e JSO-s, një nga kushtet e “Beretave të Kuqe” ishte që Bracanoviq të emërohej zëvendësshef. Saviq dhe Bracanoviq më pas pasuan Goran Petroviqin dhe Zoran Mijatoviqin, dorëheqjet e të cilëve u kërkuan nga “rebelët”.
Asokohe ministri serb i Punëve të Brendshme, Dushan Mijajloviq ka përmendur vazhdimisht “nishanet” në radhët e policisë dhe ish-RDB-së. Roli i Bracanoviqit dhe arsyeja e arrestimit të tij, në kohën e publikimit të lajmit, autoritetet nuk kishin dhënë detaje.
Është thënë vetëm se Bracanoviq është arrestuar gjatë hetimeve për vrasjen e Gjingjiqit, sepse ekzistonte dyshimi i bazuar se gjatë regjimit të Sllobodan Millosheviqit, kishte keqpërdorur pozitën zyrtare.
Po ashtu, ishte theksuar se hetimi ka vërtetuar edhe lidhjen e ngushtë të Bracanoviqit me krerët e “Klanit të Zemunit”. /Telegrafi/
Promo
Reklamo këtuLufta Prigozhin - Putin
Më shumëTjetër fitore për Ukrainën: Rusia tërheq nga vijat e frontit dhjetëra aeroplanë luftarak
Dhjetë aeroportet më të pastra në botë - vetëm një është në Evropë
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
SHBA-ja përgjon aeroplanët rusë
Vuçiq humb kontrollin gjatë konferencës, analisten amerikane Ivana Stradner e quan të çmendur
E tmerrshme, vrasësi futet në lokal dhe vret ish-miss Ekuadorin brenda një restoranti – kamerat e sigurisë filmojnë gjithçka
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak