LAJMI I FUNDIT:

Kurti shpalos detaje nga takimi në Bruksel, thotë se Borrell iu përshtat interesave të Serbisë

Kurti shpalos detaje nga takimi në Bruksel, thotë se Borrell iu përshtat interesave të Serbisë

Kryeministri i Kosovës, Albin Kurti në mbledhjen e sotme të Qeverisë ka folur sërish për takimin me presidentin serb, Aleksandar Vuçiq në Bruksel.

Kurti ka shpalosur detaje nga propozimi që kishte dhënë BE-ja për çështjen e targave.

Kryeministri shtoi se propozimi nuk përmbante ndalimin e lëshimit të targave ilegale nga ana e Serbisë.

“Gjatë tetë orëve i zhvilluam 6 takime. Parakushti për targat kishte të bënte vetëm me pezullimin e veprimeve nga ana e Qeverisë së Kosovës, dhe jo me ndalimin e lëshimit të targave nga ana e Serbisë. Ne ishim të pajtimit që për ti dhënë hapësirë bisedimeve për propozimin e BE-së të pezullonim fazën e dytë të vendimit për targat, mirëpo natyrisht atëherë kur Serbia ndalon së regjistruari vetura me targa ilegale”, tha Kurti.

Kryeministri tregoi se para fillimit të takimeve, ftesa e Përfaqësuesit të Lartë të BE-së, Josep Borrell ishte e shoqëruar me një tekst me katër paragrafë që mëtonte të lëshohej si deklaratë në fund të takimeve, shkruan Telegrafi.

“Në paragrafin e parë bëhej ftesë për përqendrim me urgjencë në propozimin e BE të përkrahur nga Gjermania e Franca për normalizim të marrëdhënieve. Në paragrafin e dytë ishte çështja e targave së bashku me granacionet për komunitetin serb që do të diskutoheshin në propozimin e BE. Kurse në paragrafin e tretë teksti bënte thirrje që të fillonin menjëherë bisedimet për propozimin e BE-së në nivel të lartë për të arritur një marrëveshje para marsit 2023”, tha Kurti.

Kurti shtoi se këtë propozim të zotit Borrell ai e ka mirëpritur.

“Tashmë ishim deklaruar që propozimi franko-gjerman që Borrell insistonte që ta quanim propozim të BE-së, paraqet një bazë të mirë për diskutim. Përfaqësuesi i BE-së e ndryshoj premisën e negocimit të ditës së hënë. Në kundërshtim me parimin e propozuar nga vetë ai filloi të insistoj në një marrëveshje që adreson vetëm pezullimin e gjobave për targat. Qëllimi i madh u hoq nga agjenda, nevoja urgjente për propozimin evropian u zhduk nga tavolina duke ju përshtatur e qëllimit të Serbisë, presidenti i së cilës kishte ardhur në Bruksel jo për propozimin e BE-së por për targat”, tha Kurti.

Ai bëri të ditur se ka dalë i fundit nga ndërtesa e BE-së në Bruksel, duke thënë se “ka ekzistuar edhe përpjekja e fundit”.

“Ka qenë edhe përpjekja e fundit. Emisari special Lajçak ka ardhur te dhoma ku ndodhej delegacioni ynë dhe bëri edhe një përpjekje të fundit për një tekst i cili do ta përfshinte edhe propozimin e BE-së, por më pastaj na njoftoi se presidenti i Serbisë nuk e ka pranuar këtë dhe tashmë Përfaqësuesi i Lartë i BE-së, Josep Borrell ndodhej tashmë në konferencë për media”, u shpreh Kurti.

Kurti tha se nga ana e Kosovës, ekziston qëllimi dhe gatishmëria për të arritur marrëveshje finale për normalizim të plotë të marrëdhënieve që duhet të përfundoj me njohje reciproke.

“Vendimi ynë për targat nuk mund të jetë objekt i negocimit. Është vendim i Qeverisë tonë”, tha Kurti. /Telegrafi/

Në trend Lajme

Më shumë
Lajçak me post të ri nga shtatori

Lajçak me post të ri nga shtatori

Lajme
Bajrami i reagon Muratit pasi tha se ka rritje të qarkullimit të biznesve, e fton për përballje

Bajrami i reagon Muratit pasi tha se ka rritje të qarkullimit të biznesve, e fton për përballje

Lajme
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë

Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë

Lajme
Aksident tragjik në Kërçovë, humbin jetën tre persona

Aksident tragjik në Kërçovë, humbin jetën tre persona

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori