Kryeministri i Kosovës, Albin Kurti, mori pjesë në ceremoninë e hapjes së edicionit të parë të Shkollës për Diplomaci të Diasporës, organizuar nga Akademia Diplomatike e Ministrisë së Punëve të Jashtme dhe Diasporës.
Në fjalën e tij, kryeministri Kurti tregoi se si është e pamundur të flasësh për historinë e vendit tonë pa përfshirë dhe diasporën.
“Në shumë mënyra, diaspora jonë përfaqëson një tejzgjatje të natyrshme të komuniteteve tona përreth botës. Është një diasporë e lidhur shumë me vendlindjen e tyre”, tha Kurti.
Ai foli dhe për rolin e kontributin e mërgatës në shtetndërtimin tonë e në shumë sfera të ndryshme veçanërisht në ekonomi dhe impaktin në zhvillimin e vendit.
“Diaspora e Kosovës ka formësuar në mënyrë konkrete mënyrën sesi vendi ynë ndërvepron me botën, duke marrë përsipër rolin jozyrtar të qytetarit ambasador. Kjo është dhe arsyeja pse ne themi që kemi patur ambasadorë dhe ambasada që para se të arrinim lirinë në 1999 dhe para se të shpallnim pavarësinë në 2008-tën, dhe ata ishin përfaqësues të mërgatës sonë në Evropën Perëndimore, në Mbretërinë e Bashkuar, në Shtetet e Bashkuara të Amerikës dhe në të gjithë botën.” u shpreh kryeministri.
Ai përmendi dhe rastin e Kushtrim Xhaklit në Finlandë, i cili bashkëkrijoi me Ministrinë e Punëve të Jashtme dhe Diasporës platformën KosovaDiplo365, profesorin Besnik Pula i cili kontribuoi në krijimin e Fondit Sovran, por edhe rastin më të fundit të kompanisë nga diaspora në Zvicër e cila fitoi një ankand publik për ndërtimin e paneleve solare 100MW në Kosovë, duke patur ndikim pozitiv në reformimin e të ardhmes në energji.
“Pra, ky është thelbi i kësaj shkolle, për të nxjerrë në dritë më shumë njohuri se si ne të gjithë mund të përmirësojmë angazhimin e diasporës, si në kontekstin e zhvillimit të vendeve tona përkatëse, ashtu edhe për të eksploruar dhe shqyrtuar risitë se si mund të funksionojë angazhimi i diasporës në forcimin e lidhjeve mes vendeve tona” nënvizoi kryeministri.
Programi i Shkollës për Diplomaci të Diasporës është hartuar me qëllim të kultivimit dhe mbështetjes së krijimit të një rrjeti global të diplomatëve të karrierës, si dhe ngritjen e kapaciteteve të tyre në fushën e diplomacisë së diasporës, si një tematikë që ka filluar të marrë më shumë vëmendje në politikat qendrore në mbarë botën. Diplomatë prej mbi 30 shtete të botës do të na bashkohen në këtë edicionin të parë të Shkollës për Diplomaci të Diasporës.
Pjesëmarrëse në ceremoni ishin edhe zëvendëskryeministrja Donika Gërvalla Schwarz dhe zëvendësministrja Liza Gashi./Telegrafi/
Lufta Prigozhin - Putin
Më shumëKush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Të shtëna me armë në Lupç të Podujevës, katër të plagosur
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Ndalohen për 48 orë pesë të dyshuar për rastin e plagosjes në Lupç
Vdes në vendin e punës punëtorja e një furre të bukës në Mitrovicën e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit