Të gjitha subjektet politike në Kosovë kanë përafërsisht të njëjtën skemë të organizimit struktural, duke filluar nga Aktivi, Nëndega, Dega, Këshilli dhe Kryesia (përjashto Lëvizjen Vetëvendosje, sepse ajo fillon me Pikën, Këshillin, Qendrën dhe Kryesinë). Ndonëse e përgjithshmja e të gjitha subjekteve është e përafërt, problemi qëndron tek ndikimi i këtyre strukturave në subjektet përkatëse politike: është e sigurt se shumë nga këto subjekte kanë harruar kur e kanë mbledhur këshillin e tyre – të Përgjithshëm, Kombëtar apo sido qoftë (LVV Këshillin e Përgjithshëm e fton së paku njëherë në tre muaj).
Situata politike e krijuar pas koalicionit PDK-LDK ka paraqitur një funksionim jodemokratik të këtyre subjekteve politike, pavarësisht asaj që fjalën demokraci e kanë në emrin e subjektit. Duke e njohur mënyrën se si duhet funksionojnë strukturat e partiake, konsideroj se disa subjekte politike – në veçanti LDK dhe PDK – strukturat partiake nëpër nëndegë apo degë i përdorin si vegël për ta arsyetuar një veprim të caktuar të kryetarit apo kryesisë qendrore, pavarësisht se sa i gabuar mund të jetë vendimi.
Kemi rastin konkret. LDK dhe PDK ftojnë këshillat tyre e vizitojnë degët vetëm pasi ta kenë bërë një veprim të caktuar politik. Dhe, më e keqja, të gjitha këto organe mblidhen sa për sy e faqe duke mos pasur peshë tek vendimet politike që i merr lideri apo një grup njerëzish në parti.
Kemi edhe një moment tjetër kur strukturat partiake nëpër degë vizitohen shpesh gjatë fushatave elektorale, kur nga strukturat kërkohet angazhim maksimal për të krijuar aktivitete për lidershipin e partisë. E, nga kjo mund të konstatojmë se lidershipi i nivelit qendror më shumë është i interesuar të krijojë struktura teknike nëpër degë, sesa struktura politike. Duke qenë kështu, të gjitha subjektet kanë vështirësi të sigurojnë emra për kandidatë për kryetar komune, si dhe emra për kandidatë për deputetë, pasi nuk investojnë për t’i krijuar figurat brenda strukturave të tyre.
Të gjitha këto vendime politike që merren pa konsultime me bazën, kam përshtypjen se janë vendime që tregojnë papërgjegjshmëri të liderëve ndaj strukturave të tyre. Prandaj, njerëzit të cilët nuk kanë interes nga subjekti politik – por thjeshte përqafojnë ideologjinë, programin etj. – shumë thjeshtë mund t’i grisin kartelat e anëtarësisë, të vendosin të shkojnë në një subjekt tjetër politik, apo të qëndrojnë apolitik kur ndihen të tradhtuar nga subjekti për të cilin kanë dhënë shumë. Duke pasë parasysh në këtë rast LDK-në që është subjekti më i vjetër politik që gjatë rrugës ka përballuar shumë situata, kjo është arsyeja pse njerëzit në këtë subjekt lëndohen më lehtë nga një papërgjegjshmëri e liderëve.
Praktiken e trajtimit të strukturave të shumë subjekteve politike në Kosovë mund ta përkufizoj me definicionin: “Të keqen e ndajmë bashkë, të mirën e kam për vete”! Kjo është mënyra se si trajtohen strukturat e partive politike. Shpeshherë anëtarët e këtyre strukturave janë të shtypura qoftë edhe për një mendim personal për një çështje të caktuar. Mirëpo, strukturat janë të nevojshme vetëm për të krijuar mur për liderët që të fshihen duke thënë se “nuk e doja unë, por e deshën strukturat”. Ky është keqpërdorim maksimal i strukturave partiake.
Kur jemi tek strukturat, nuk mund të mos e përmendim Isa Mustafën i cili është mjeshtër për t’i përdorur strukturat si vegël për t’i arsyetuar veprimet e gabuara të tij. Kemi dy raste specifike për këtë. Është momenti kur deshi të bëhej kryetar i LDK-së. Në atë kohë pati orkestruar një grusht njerëzish për të protestuar se kinse është i parapëlqyeri i strukturave për kryetar partie ashtu dhe në ditën e Kuvendit zgjedhor paraqiti kandidaturën duke thënë: nuk doja unë, por strukturat. Rasti i dytë është më i freskët: shfrytëzoi Këshillin e Përgjithshëm për ta tradhtuar në minutë të fundit grupin VLAN.
Prandaj, në rastin normal, strukturat duhet të konsiderohen shtylla të subjektit politik, po aq sa lideri i partisë. Edhe ato e kanë nivelin e përgjegjësisë në marrjen e vendimeve të caktuara, prandaj duhet të konsultohen paraprakisht e jo të përdoren si vegël.
Në Kosovë deri tash kemi vetëm një shembull të tillë ku struktura ka nivelin e përgjegjësisë për vendime të mëdha. Lëvizja Vetëvendosje cila konsulton strukturat dhe anëtarësinë për vendimet e mëdha. Përndryshe, demokracia mund të jetë shkruar e stërshkruar, e thënë e stërthënë, por vetëm kaq nuk mjafton.
Promo
Reklamo këtuLufta Prigozhin - Putin
Më shumëNga Rubrika
Pavarësisht nëse Robert Fico mbijeton dhe rifillon ose jo detyrën, Sllovakia është në situatë të rrezikshme
Lidhja mes ekonomive: Roli katalizator i pagesave ndërkufitare me kosto të ulët në Ballkanin Perëndimor
Riorganizimi i makinerisë së luftës së Putinit, zbulon frikën e tij më të thellë – ngritjen e rivalëve në Kremlin
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
E ngacmojnë se nuk "di të lexojë", zbulohet problemi shëndetësor që kanë dy vëllezërit Veshaj
Mbrojtësi i Borussia Dortmund trondit me pamjen e tij - ai fiton 10 milionë euro në vit dhe pas dy javësh ka finalen e Ligës së Kampionëve
Mbahen matjet zyrtare para meçit mes Fury dhe Usyk, këto ishin peshat e kampionëve të boksit
Kosova jashtë KiE, Mujanoviq: BE po çon ujë në ‘mullirin’ e Vuçiqit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë