Kryeministrja e Zelandës së Re sugjeron katër ditë pune në javë, si mënyrë për ta ndihmuar vendin pas COVID-19

Kryeministrja e Zelandës së Re, Jacinda Ardern u ka sugjeruar punëdhënësve që ta marrin parasysh mundësinë për katër ditë pune në javë, si një mënyrë për të rritur turizmin dhe për t’i ndihmuar punëtorët të adresojnë çështjet e vazhdueshme të punës.

Me anë të një video, Ardern tha se kjo ishte sugjeruar nga qytetarët, si një mjet për të stimuluar ekonominë dhe për të inkurajuar turizmin vendas, deri sa kufijtë mbeten ende të mbyllur për të huajt, përcjell Telegrafi.

Këto komente kanë nxitur reagime në Zelandë të Re, shumë prej të cilëve po pyesin nëse ndryshimi i shkaktuar nga pandemia e COVID-19 do të kthehet në normalitet.

“Dëgjoj shumë njerëz që sugjerojnë se duhet të kemi një javë pune katër-ditore. Në fund të fundit, kjo vlen vërtet midis punëdhënësve dhe punonjësve. Por siç kam thënë që ka shumë që kemi mësuar për COVID-19 për fleksibilitetin e të punuarit nga shtëpia”, tha Ardern.

Sipas FMN-së, ekonomia e Zelandës pritet të tkurret deri në 8 për qind, ndërsa shifrat e papunësisë mund të kalojnë 15 për qind. /Telegrafi/