KRU ‘Prishtina’: Po vazhdon furnizimi stabil me ujë të pijshëm pavarësisht rënies së nivelit në liqene

Kompania Rajonale e Ujësjellësit “Prishtina” njofton se po vazhdon furnizimi stabil me ujë të pijshëm pavarësisht rënies së nivelit me ujë në liqenet akumuluese.

Sipas kompanisë, ndërprerjet e furnizimit me ujë në disa zona po ndodh si shkak i dëmtimit të rrjetit të ujit dhe normalisht që deri në sanimin e defekteve.

“Pavarësisht rënies së nivelit të ujit në liqenet akumuluese sipërfaqësore Batllava (prej minus 6.17 metra nën nivelin e kapërderdhjes) dhe Badoci (prej minus 11.35 metra), KRU ‘Prishtina’ po vazhdon me furnizim stabil me ujë të pijshëm në tërë zonën e shërbimit. Ndërprerjet e furnizimit me ujë në disa zona, kohën e fundit ndodhën si shkak i dëmtimit të rrjetit të ujit dhe normalisht që deri në sanimin e defekteve, detyrohemi të ndërpremë edhe furnizimin me ujë të pijshëm. Me të gjitha kapacitetet teknike operative, do të mundohemi të ruajmë këtë tempo të furnizimit edhe gjatë festave të fundvitit 2020. Neve si konsumatorë na mbetet të shpenzojmë racionalisht ujin e pijshëm, të paguajmë faturat e ujit dhe të mirëkuptojmë ndërprerjet e ujit kur ndodhin si shkak i dëmtimeve në rrjet”, thuhet në njoftim. /Telegrafi/