Kristen Bell shpëton një familje nga uragani Irma (Foto)

Uragani Irma ka goditur ishujt Karaibe, ku ka marrë edhe jetë njerëzish.

Tashmë një ndër uraganet më të fuqishme në histori  të Amerikës, pritet ta godasë shtetin e Floridës.

Autoritetet amerikane kanë urdhëruar evakuimin e më se një milion qytetarëve të Miamit.

E në mesin e shumë vullnetarëve që po mundohen të shpëtojnë jetë njerëzish janë edhe yjet e botës së Hollywooodit.

Josh Gad shfrytëzoi Instagramin për të falënderuar yllin e “Frozen”, Kristen Bell, pasi ajo e ndihmoi familjen e tij.

“Pra, Kristen Bell në të vërtetë i shpëtoi prindërit e mi dhe gjithë familjen time sonte nga uragani Irma. Kur ata u bllokuan në Florida, ajo i mori në dhomën e saj të hotelit në Orlando dhe i shpëtoi ai, vëllezërit e mi, kunatat, mbesat dhe nipin. Faleminderit Kristin. Ti je më të vërtetë një engjëll i dërguar nga lart”, shkroi Josh në Instagram së bashku me një selfie të Kristen me dy nga anëtarët e familjes së tij. /Telegrafi/

https://www.instagram.com/p/BYzneCWhIFM/?taken-by=joshgad