Kreu u Wagnerit rus kërcënon Kremlinin: Do të merrni shuplakë nga populli

Kreu i grupit mercenar rus Wagner, Yevgeny Prigozhin, ka thënë se është i bindur se zyrtarët e lartë të Kremlinit kanë ndaluar mbulimin e tij në mediat shtetërore.

Në fillim të këtij muaji, Prigozhin shpalli fitoren në Bakhmut, por televizioni shtetëror injoroi rënien e qytetit lindor për 20 orë, dhe nuk transmetoi fjalimin e fitores së Prigozhin.

Prigozhin përdori një sërë fjalësh të urta ruse për të tallur ata që ishin përgjegjës për ndalimin e tij në media, transmeton Telegrafi.

Lexo po ashtu Kreu i inteligjencës ukrainase pranoi rolin e tij në sulmin në urën e Krimesë

“Ajo që është e ndaluar është gjithmonë më e ëmbël. Wagneri nuk është sapun i rrëshqitshëm që burokratët janë mësuar ta hedhin kudo; Wagner është një thikë që nuk mund ta fshehësh”, tha Prigozhin.

“Jam absolutisht i bindur se ata e ndaluan (raportimin). Që burokratët në nivelin më të lartë të të njëjtave kulla të Kremlinit po përpiqen t’i ndalin të gjithë në mënyrë që të mos flasin për Wagnerin, vetëm se do t’i shtyjë njerëzit më tej”, shtoi Prigozhin.

Lexo po ashtu Ukrainasit shpërndajnë pamjet ku rojat kufitare rrëzojnë dronin rus

Ai shtoi se kjo qasje do të provokojë një reagim nga populli rus.

“Në terma afatgjatë – afatgjatë është dy ose tre muaj – ata do të marrin një shuplakë nga njerëzit sepse ata po përpiqen të mbyllin gojën dhe veshët e të gjithëve”, shtoi kreu i grupit mercenar rus. /Telegrafi/