Presidenti i Komitetit Olimpik, Thomas Bach, është kundër zhvillimit të Lojërave të ardhshme Olimpike pa praninë e spektatorëve. Presidenti i 9 i Komitetit Olimpik Ndërkombëtar është në mënyrë kategorike kundër mbajtjes së Olimpiadës së Tokios me dyer të mbyllura dhe 66-vjeçari gjerman bëri të qartë se një gjë e tillë nuk do të ndodhë. Në fakt Lojërat Olimpike përfaqësojnë ngjarjen më të rëndësishme në karrierë për çdo sportist dhe asnjëherë deri më sot nuk ka ndodhur që një Olimpiadë të zhvillohet pa praninë e spektatorëve.
Lojërat Olimpike të Tokios siç dihet ishin programuar për t’u mbajtur pikërisht këtë verë, megjithatë për shkak të pandemisë së coronavirusit Olimpiada e 32-të është shtyrë për vitin e ardhshëm. Ka ende shumë paqartësi në lidhje me mënyrën se si do të zhvillohen lojërat e ardhshme verore, duke pasur parasysh që edhe tani shumë sporte kanë rifilluar aktivitetet por me dyer të mbyllura, për të evituar në këtë mënyrë grumbullimet masive. Numri 1 i Komitetit Olimpik Ndërkombëtar lëshoi një mesazh të qartë në lidhje me të ardhmen e këtyre lojërave, por është e kuptueshme që një Olimpiadë pa praninë e spektatorëve nuk do të kishte të njëjtën vlerë, e natyrisht zhvillimi i Lojërave Olimpike në rrethana të tilla nuk do t’i interesonte askujt.
Pas përhapjes së shpejtë dhe përmasave që mori pandemia e coronavirusit anembanë globit në muajin mars u mor vendimi për t’i shtyrë Lojërat Olimpike për vitin e ardhshëm, sidoqoftë gjithçka është mbështjellë me një tis misteri, për mënyrën se si do të zhvillohet Olimpiada dhe mbi të gjitha në mungesë të shpikjes së një vaksine që ta luftojë këtë virus lind natyrshëm pyetja a do të mbahen apo jo në të vërtetë pas 12 muajve lojërat verore.
Për momentin drejtuesit e shumë sporteve i kanë marrë masat, duke i zhvilluar aktivitetet pa praninë e spektatorëve, për të evituar grumbullimin e turmave, në mënyrë që të evitohet infektimi në masë i publikut, sidoqoftë kur u pyet në lidhje me një skenar të tillë edhe për Olimpiadën e Tokios Thomas Bach shpjegoi se po mendohet për disa lloj zgjidhjesh, por 66-vjeçari qartësoi se mbajtja e Olimpiadës së vitit 2021 me dyer të mbyllura nuk merret fare në konsideratë, sepse në mënyrë të kuptueshme një opsion i tillë përfaqëson një përfundim të padëshiruar.
Bach theksoi se po këmbëngulet për të gjetur zgjidhje që nga njëra anë të ruhet shëndeti i të pranishmëve dhe sportistëve pjesëmarrës, ndërsa në krahun tjetër të përcillet në mënyrën më të mirë të mundshme edhe shpirti olimpik. Sipas një sondazhi të kryer në kryeqytetin e Japonisë më shumë se 50% e popullsisë së Tokios është në favor të një shtyrje të mëtejshme të këtyre lojërave, apo qoftë edhe të anulimit përfundimtar të olimpiadës së ardhshme – transmeton SuperSport.
Ditën e mërkurë u bë e ditur se Olimpiada Rinore që ishte programuar për t’u zhvilluar në Dakar u shty për në vitin 2026 dhe presidenti aktuali i Komitetit Olimpik Ndërkombëtar e justifikoi një vendim të tillë me faktin që një zgjidhje e tillë ishte e domosdoshme, duke pasur parasysh që në rast të kundërt do të kishte një ngjeshje të kalendarit me plot pesë aktivitete shumë të rëndësishme olimpike në harkun e vetëm tre vjetëve, gjë që do të sillte për pasojë në mënyrë të pashmangshme edhe një kufizim të paprecedent në aspektin financiar për gjithë këto evente.
66-vjeçari gjerman përjashtoi një shtyrje të Olimpiadës së Tokios njësoj si Lojërat Rinore të Dakarit, pasi situata sipas tij bëhet fjalë për dy gjëra krejtësisht të ndryshme dhe nuk mund të bëhen krahasime ndërmjet këtyre dy vendeve. Ai shtoi se këshilli drejtues është optimist se lojërat e ardhshme olimpike do të mbahen rregullisht brenda afateve të parashikuara. KON-i ka saktësuar se 150 milionë dollarë do të injektohen në formë asistence në fund të këtij viti, për të ndihmuar Komitetet Olimpike Kombëtare të vendeve më të prekur nga shtyrja e Olimpiadës. Olimpiada e Tokios do të mbahet vitin e ardhshëm në “vendin e lindjes së diellit” nga 23 korriku deri më datë 8 gusht.
Lufta Prigozhin - Putin
Më shumëNga Rubrika
Një minutë në fushë kushton 2 milionë euro – dështimi më i madh i Chelseat nga blerjet e fundit
“Prej më të mirë në 10 vitet e fundit, lojtari im i preferuar” – Torres me fjalë të mëdha për Salah
Agjenti i Alphonso Davies godet Bayernin, shpjegon situatën e kanadezit
Reagon babai i Olti Hysenit, pas deklaratës 'bombastike' të lojtarit të talentuar
Zbulohet emri i vërtetë i Kylian Mbappes - ka lënë të shokuar fansat e tij
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Një minutë në fushë kushton 2 milionë euro – dështimi më i madh i Chelseat nga blerjet e fundit
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia