Krasniqi thotë se gjyqtari nuk e lejoj të bënte analizat pavarësisht problemeve shëndetësore

Aktivisti i Lëvizjes Vetëvendosje, Frashër Krasniqi i cili po vazhdon të qëndrojë në burg shtëpiak përmes një shkrimi në Facebook ka akuzuar gjyqtarin e rastit Beqir Kalludra, se nuk i ka dhënë leja për të bërë analizat për shkak të problemeve shëndetësore.

“Pasi nga vizita e fundit mjekësore, doli që kam probleme shëndetësore që vijnë nga mungesa e aktivitetit fizik dhe ekspozimit ndaj diellit, nesër në mëngjes e kisha të caktuar për të bërë analizat e mëtutjeshme”

“Por, gjykatësi Beqir Kalludra nuk më ka dhënë leje, ani pse kërkesa është bërë në kohë të duhur, të mjaftueshme për përgjigjen e gjykatës”, ka shkruar ai në Facebook.

Krasniqi ka dyshime në neglizhencën e kthimit të një përgjigje nga gjyqtari apo refuzimit të qëllimshëm.

“Unë nuk e di a është kjo neglizhencë apo refuzim i qëllimshëm, por cilido qoftë rasti, kjo flet se për Beqir Kalludrën ne jemi thjeshtë emra në shkresa gjyqësore dhe jo njerëz që kanë nevojë të lëvizin e të mirëmbajnë shëndetin”.

“Vazhdimi i izolimit tonë, çdo dy muaj, tash e 1 vit – pa asnjë interesim nga gjykata rreth gjendjes tonë fizike e shëndetësore – tregon për një sistem drejtësie ku nuk ka njerëz e humanitet por vetëm procedura, montime e shkelje”, ka përfunduar Krasniqi

Krasniqi akuzohet për sulmë ndaj Kuvendit të Kosovës./