“Tashmë ka rënë çmimi i bukës, si rezultat i masës së fundit janë ulur edhe çmimet e vajit të gatimit të disa prodhuesve dhe në periudhën e ardhshme pres stabilizim dhe ulje të çmimeve të produkteve ushqimore bazë deri në 10%”.

Reklama

Këtë e ka thënë kryeministri dhe kryetari i LSDM-së Dimitar Kovaçevski sonte nga Kumanova. Ai theksoi se masat kundër krizës po japin rezultate.

“Kemi ende punë për të bërë. Fëmijët duhet të shkojnë në shkollë, duhet të kenë ngrohje, duhet të ketë energji elektrike që të funksionojnë kopshtet dhe shkollat. Duhet të funksionojnë edhe spitalet, profesionistët shëndetësorë duhet të kenë kushte pune dhe kujdes për shëndetin e pacientëve. Për këtë arsye kemi bërë të mundur përfshirjen e objekteve shëndetësore publike, si dhe 365 shkolla fillore dhe 109 shkolla të mesme, gjithsej 518 subjekte, në tregun e rregulluar të energjisë elektrike”, tha Kovaçevski.

Reklama
Reklama

Ai përkujtoi se krahas subvencionimit të çmimit të rrymës, është dhënë edhe ndihmë financiare shtesë për rrymë për familjet me të ardhura të ulëta.