Institucioneve në Kosovë po iu kërkohet të gjejnë zgjidhje për formimin e Asociacionit të komunave serbe.
Mesazhet e dy emisarëve, Escobar dhe Lajçak se askush nuk është i interesuar të krijojë një “Republikë Serbe” në Kosovë, po shihen si mundësi për të dhënë alternativa për formimin e Asociacionit pa kompetenca ekzekutive.
Megjithatë, sipas njohësve të procesit të dialogut, kjo duhet të bëhet pasi të ketë një unifikim të të gjithë spektrit politik që pozicioni i Kosovës të jetë i qartë në Bruksel.
Arbër Fetahu, nga Grupi për Studime Juridike dhe Politike, thotë për KosovaPress se pas vizitës së përfaqësuesit të ShBA-së për Ballkanin Perëndimor, Gabriel Escobar dhe emisarit të BE-së për dialogun, Miroslav Lajçak, qeveria duhet të jetë më e qartë në temën e Asociacionit.
Sipas tij, ekzekutivi ose duhet të jep propozimet për Asociacionin dhe ta mënjanojë këtë temë për marrëveshjen finale, ose ta rrëzojë tërësisht në Kuvend.
“Kjo është çështje e komplikuar marrë parasysh se është votuar nga Kuvendi, ashtu është nënshkruar në Bruksel dhe statuti i saj është ende i paqartë. Në këtë drejtim Kosova duhet të shkojë në dialog me opsione alternative për të gjetur zgjidhje të mënjanojë këtë temë dhe ta lë në fund nëse vjen njohja reciproke si pjesë finale e marrëveshjes.
Të shkohet hap pas hapi me marrëveshje që lehtësojnë marrëdhëniet Kosovë-Serbi dhe krijojnë rezultate të prekshme në teren. Por në këtë moment duhet të krijohet një lloj platforme dhe opsioni se si Kosova e sheh këtë zgjidhje. Pasi vetëm refuzimi apriori nuk po mjafton për BE-në, duhet t’i jepet një zgjidhje përfundimtare kësaj marrëveshjeje, të refuzohet ose të gjendet një modalitet tjetër.
Por për këtë duhet konsultime shtesë me partitë parlamentare dhe të krijohet një unitet dhe konsensus që pozicioni i Kosovës kur të negociohet në Bruksel të jetë i qartë dhe kristalizuar”, thotë Fetahu.
Propozime të reja për Asociacionin pret njohësi i procesit të dialogut, Gazmir Raci, por shton se nuk duhet të lëvizet nga marrëveshja e vitit 2013 dhe nga vendimi i Kushtetueses për parimet e Asociacionit.
“Të gjitha modelet (e Asociacionit) duhet të diskutohen në takimet trepalëshe në Bruksel. Aty palët mund të ofrojnë zgjidhje dhe opsione. Por kryesorja është marrëveshja e vitit 2013 nga e cila ne nuk mund të lëvizim dhe nga vendimi i Gjykatës Kushtetuese për parimet e Asociacionit të vitit 2015. Këto mund të jenë orientimet kryesore dhe brenda tyre delegacionet varësisht prej përgatitjes profesionale mund të ofrojnë zgjidhje dhe të mbrojnë qëndrimet e palëve në takime”, thekson Raci.
Ndërkohë, profesori i marrëdhënieve ndërkombëtare, Dritëro Arifi kërkon proaktivitet dhe zgjuarsi nga qeveria për të dal nga ngërçi i Asociacionit.
“Duhet të tregohemi më të zgjuar dhe proaktiv që të ndryshojmë narracionin dhe të mos jemi pala që nuk po dëshirojmë të arrijmë një marrëveshje… Duhet të definojmë se cili është ai kompromisi ynë dhe çka arrijmë në këmbim të atij kompromisi. Kjo duhet të jetë çështja dhe jo të jemi këmbëngulës dhe kokëfortë që mos të lëvizim tutje. Përmes status-quo-së po vërehet se Kosova është e izoluar dhe dihet kush do të del fituesi në fund”, deklaron ai.
Në fillim të kësaj jave qëndruan në Kosovë, përfaqësuesi i ShBA-së për Ballkanin Perëndimor, Gabriel Escobar dhe emisar i BE-së për dialogun, Miroslav Lajçak. Të njëjtit thanë se asnjë zgjidhje nuk do t’i imponohet Kosovës që cenon integritetin territorial, kushtetutshmërinë dhe sovranitetit.
Promo
Reklamo këtuLufta Prigozhin - Putin
Më shumëNga Rubrika
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Dita e dytë e fushatës për zgjedhjet kuvendare, politikanët kërkojnë vota edhe në diasporë
“Shpërthen” Monika Kryemadhi: Nuk më rruhet fare as për burgun, as për SPAK-un
“Të ngrehi zhag”, deklarata e bashkëshortes së Riza Muratit, e cila e ka denoncuar kapitenin e policisë për dhunë
Kosovari i arrestuar në kufi, Serbia pretendon se ishte pjesë e luftës, mohon OVL-UÇK
Kryeministri tha se marrëveshja e 2015-ës me Serbinë shkel Kushtetutën, reagon Mustafa: Është sajesë dhe gënjeshtër e Kurtit
Stano: Shqetësues arrestimi i zyrtarëve policorë të Kosovës nga Serbia
Një muaj paraburgim për shqiptarin nga Kosova të arrestuar në Serbi
Çka po synon Serbia me testimin e armëve në kufi me Kosovën, flasin ish-ushtarakët
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi