LAJMI I FUNDIT:

Kosovarët shumë të interesuar për të therur kurban

Kosovarët shumë të interesuar për të therur kurban

Kanë mbetur edhe pak orë deri kur besimtarët myslimanë do të festojnë Kurban Bajramin, e interesimi për të therë kurban veçse është rritur.

Në tregun e kafshëve në Prishtinë, një numër i madh i qytetarëve kanë blerë kurban, në mënyrë që gjatë ditës së nesërme të bëjnë shpërndarjen e mishit.

E çmimet për një kurban janë të ndryshme, që variojnë nga 120 deri në 200 euro.

Edhe Bashkësia Islame e Kosovës do të bëjë therjen e kurbanëve, por që edhe këtë vit do ta bëjnë në shtetin e Hungarisë, ku tenderin e ka fituar një kompani kosovare që vepron atje.

Për të shitur kurban në tregun e kafshëve kishte dalë Shefqet Brajshori, i cili ka fermën e tij në fshatin Sharban të Prishtinës.

Ai tregoi se ka interesim të madh të qytetarëve për të blerë kurban.

“Ka interesim, dikush po e merr një, dikush dy. Interesim ka. Çmimet po sillen qysh është dashi, 130, 150, ka edhe 200”, tregoi ai.

Ndërsa, nga ata që kishin ardhur për të blerë kurban dominonin mërgimtarët.

Një nga ta ishte Sami Gashi, i cili jeton në Gjermani, e që blerjen e kurbanit për therje po e bënte për shkak të traditës.

“Kurbanin e bleva sepse e kemi traditë, kurbanin gjithë e kemi pre”, tha ai.

Edhe mërgimtari tjetër që jeton në Gjermani, Hajdin Lahi, që në tregun e kafshëve kishte ardhur me fëmijët e tij, thotë se kurbanin po e blinte për shkak të traditës.

“Është traditë e fesë myslimane, kemi dëshirë për familje për atë arsye kemi dalë edhe sot t’i blejmë dy kurbanë. Sa i përket çmimeve për këtu në Kosovë janë pak të shtrenjta, kurse për neve që vijmë nga diaspora ne nuk i këqyrim, janë çmimet në rregull”, u shpreh ai.

E për Mustaf Hajdinin nga komuna e Podujevës, therja e kurbanit nuk mbetet vetëm traditë.

Sipas tij, ky është obligim për çdo mysliman.

“Siç dihet nesër është festë, është dita e Kurban Bajramit dhe është obligim për çdo mysliman dhe myslimane me therë kurban për këtë festë. Kurbani dihet që sakrifikohet në mënyrë që t’iu shpërndahet të varfërve, t’iu ndihmohet skamnorëve dhe të gjithë atyre që kanë nevojë me iu zgjat dorën e ndihmës. Dolëm sot për të parë çmimet, nuk po duken që janë të shtrenjta se dihet se është mundim edhe për këta që i mbajnë kurbanët që nuk është bash lehtë me i mbajte, po më duken të arsyeshme”, deklaroi ai.

Ndërkaq, Bashkësia Islame e Kosovës sikur çdo vit, do të organizojë tubimin dhe prerjen e kurbanëve, ndonëse zëdhënësi i BIK-ut, Ahmet Sadriu tregon se edhe këtë herë therja e kurbanëve do të bëhet nga një firmë kosovare që vepron në Hungari.

“Edhe këtë vit nga tenderi që është shpallë nga kryesia e BIK-ut, të interesuar kanë qenë firma e cila është një “Kosova farm” që është firmë kosovare që vepron në Hungari. Ata e kanë fituar tenderin të cilin ne e kemi shpallur, kështu që edhe këtë vit prerja e kurbanëve do të bëhet në Hungari”, tha ai.

Sipas Sadriut, BIK-u ende nuk ka një numër të saktë se sa kurban do të theren, kjo pasi që procesi i porosive do të vazhdojë deri ditën e nesërme.

Megjithatë, ai thotë se presin që numri i kurbanëve të shkojë deri mbi 8 mijë.

Falja e Kurban Bajramit do të bëhet në ora 6:25, ku manifestimi qendror do të mbahet në Xhaminë e Madhe në Prishtinë. /kp/Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Elfije Boletini
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Lajme
Kalo në kategori