LAJMI I FUNDIT:

Kosova të martën mëson kundërshtarët në Ligën e Kombeve – tani pjesë e Ligës C dhe rival i mundshëm Shqipëria

Kosova të martën mëson kundërshtarët në Ligën e Kombeve – tani pjesë e Ligës C dhe rival i mundshëm Shqipëria

Të martën (3 mars), Kosova në futboll do t’i mësojë kundërshtarët e ardhshëm në Ligën e Kombeve të UEFA-s, ku këtë vit është pjesë e Ligës C dhe kundërshtarë mund ta ketë edhe Shqipërinë.

Kjo garë i mundësoi Kosovës, përveç suksesit edhe rritjen dhe besimin në kualitetin që kanë.

Shorti për edicionin 2020\21 për Ligës së Kombeve do të tërhiqet në Amsterdam nga ora 18:00.

Kosova në edicionin e parë në këtë garë e zuri vendin e parë dhe për mes saj e siguroi një biletë për play-off, që mund t’ia sigurojë edhe një vend në Euro 2020.

Në play-off, ndeshjen e parë Kosova e luan në Shkup ndaj Maqedonisë Veriore me 26 maj, që është edhe ndeshja gjysmëfinale, e në rast fitoreje do të luajë në finale ndaj Gjeorgjisë ose Bjellorusisë, varësisht se cila fiton.

Liga e Kombeve është bërë një mundësi e mirë për ekipit më të vogla, që të jetë pjesë e Kampionateve Evropiane.


Edicioni i shkuar dhe suksesi i madh

Kosova në edicionin e parë të Ligës së ish në nivelin më të ultë, atë të Ligës D.

Djelmoshat e Bernard Challandes ishin në grup me Azerbajxhanin, Ishujt Faroe dhe Maltën.

Përfaqësuesja e Kosovës (Foto: Michael Regan/Getty Images/Guliver)

Kosova mori katër fitore dhe dy barazime, për ta mbyllur në vendin e parë me 14 pikë.


Ky sezon në Ligën C dhe kundërshtar i mundshëm është Shqipëria

Falë suksesit në vitin 2018, Kosova ka kaluar në Ligën C të Ligës së Kombeve, që është niveli i tretë.

Kosova në short do të jetë në vazon e dytë, ku bëjnë pjesë edhe Maqedonia e Veriut, Bjellorusia dhe Qipron.

Në vazon e parë janë Greqia, Shqipëria, Mali i Zi e Gjeorgjia. Pikërisht Shqipëria mund të jetë një kundërshtar i Kosovës.

Në vazon e tretë janë Estonia, Sllovenia, Lituania e Luksemburgu, ndërsa në vazon e katërt Armenia, Azerbajxhani, Kazakistani e Moldavia.

Kosova në cilin do grup që bie do t’i zhvillojë gjashtë ndeshje dhe ato do të zhvillohen brenda tre muajve (shtator, tetor, nëntor).


Ndeshjet e para : 3–5 shtator 2020

Ndeshjet e dyta: 6–8 shtator 2020

Ndeshjet e treta: 8–10 tetor 2020

Ndeshjet e katërta : 11–13 tetor 2020

Ndeshjet e pesta: 12–14 nëntor 2020

Ndeshjet e gjashta : 15–17 nëntor 2020


/Telegrafi/

Në trend Sport

Më shumë
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
Barcelona ka dy javë kohë për të zgjedhur numrin 10 – në klub kanë tri opsione

Barcelona ka dy javë kohë për të zgjedhur numrin 10 – në klub kanë tri opsione

La Liga
Nuk ishte vetëm dëshira e Mbappes, te PSG zbulojnë se kush tjetër konsiderohet fajtor për largimin e francezit

Nuk ishte vetëm dëshira e Mbappes, te PSG zbulojnë se kush tjetër konsiderohet fajtor për largimin e francezit

Ligue 1
“Nuk pendohem që e shita, ishte marrëveshje e mirë” - pronari i Cluj flet pas shitjes së Ermal Krasniqit

“Nuk pendohem që e shita, ishte marrëveshje e mirë” - pronari i Cluj flet pas shitjes së Ermal Krasniqit

Ligat tjera

"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
Kalo në kategori