Kosova këtë vit në Berlinale me filmin e Alban Mujës

Kryeministri Albin Kurti ka njoftuar se Kosova do të jetë sërish në Berlinale.

Filmi “Mua besoj më shpëtoi portreti” me regji nga Alban Muja do të ketë premierën në Berlinale, që sivjet do të mbahet në muajin shkurt.

Ky film është pjesë e programit “Forum Expanded”, i mbështetur nga Qendra Kinematografike e Kosovës.

Postimi i plotë i Kurtit (pa ndërhyrje):

“Kosova përsëri në Berlinale

“Mua besoj më shpëtoi portreti” me regji nga Alban Muja do të ketë premierën botërore në Berlinalen e këtij viti që mbahet në muajin shkurt. Filmi është pjesë e programit “Forum Expanded” dhe prodhimi i tij është i mbështetur nga Qendra Kinematografike e Kosovës.

Kinematografia jonë, kohëve të fundit me filma të metrazhit të shkurtë, po vazhdon të shkëlqejë në ngjarjet më prestigjioze të industrisë botërore të filmit.

Filmi rrëfen tregimin e piktorit Skënder Muja i cili bashkë me qytetarë të tjerë mitrovicas, u ngujuan nga forcat serbe në një shkollë të Skenderajt të shndërruar në kamp ndalimi në vitin 1999 gjatë luftës në Kosovë. Një reflektim i mbijetesës dhe qëndresës në relacion me fuqinë e artit për t’i arritur dy të parat.

Urime Albanit dhe gjithë ekipit të filmit për këtë përzgjedhje dhe përfaqësim shumë të vlefshëm”. /Telegrafi/