Koordinatori i Qendrës për Numërimin e Rezultateve (QNR), Burim Ahmetaj ka theksuar se votat me postë akoma nuk kanë arritur në QNR.

Ai ka theksuar  se votat me më postë nuk kanë arritur në QNR sepse janë në fazën e vlerësimit.

“Votat me kusht dhe nevoja të veçanta nuk mund të fillojnë pa u kompletuar disa procese, që do të thotë së pari ju japim prioritet votave të rregullta, që do të thotë se formularët e rezultateve trajtohen si për vota të subjekteve poashtu edhe për vota të kandidatëve”, ka theksuar Ahmetaj.

Ai ka folur edhe për numrin e votave të pavlefshme, ku ka theksuar se ata si institucion janë në fazën e hershme të procesimit të të dhënave, sidomos nga formularët e rezultateve, ku të dhënat e votave të vlefshme dhe të pavlefshme sipas tij, burojnë nga formularët e rezultateve,

“Përderisa jemi në fazën e hershme nuk mund të themi se sa është numri i tyre”, ka shtuar Ahmetaj.

Sipas tij, kur të procesohen më shumë se 70 për qind të formularëve të rezultateve në bazën e të dhënave mund të dihet sa i vota të vlefshme dhe të pavlefshme janë në sistem. /Telegrafi/