“Kontratat janë të detyrueshme”, Florentino Perez me paralajmërim të fortë për klubet që tërhiqen nga Superliga Evropiane

Një paralajmërim i fortë ka ardhur nga presidenti i Superligës Evropiane, Florentino Perez, dhe ky paralajmërim qëndron ende – pavarësisht se Liverpooli, Manchester United dhe Arsenali janë midis klubeve që kanë lajmëruar tërheqjen.

Të dielën në mbrëmje u njoftua se 12 klube ishin regjistruar në garën e diskutueshme të mesjavës që nuk ka mbështetjen e asnjë prej rregullatorëve të futbollit.

Gjashtë klubet e madhe tradicionale të Ligës Premier ishin pjesë e grupit, së bashku me Juventusin, Interin dhe Milan nga Italia, si dhe Real Madrid, Barcelona dhe Atletico Madrid nga Spanja.

Lexo po ashtu Dymbëdhjetë klubet që formuan Superligën Evropiane kanë rreth 3 miliardë euro borxhe – renditja nga më borxhliu tek klubi i vetëm në plus

Reagimi i ashpër nga bota e futbollit, përfshirë protestat nga tifozët, panë që gjashtë të mëdhenjtë e Ligës Premier të tërhiqen dhe të mos marrin pjesë.

Të martën në mbrëmje, secili nga klubet angleze që u regjistruan për Superligën Evropiane, njoftuan se ata kishin ndryshuar mendje.

Por, presidenti i Superligës Evropiane, Perez paralajmëroi se kontratat që 12 klubet nënshkruan të dielën në mbrëmje janë “të detyrueshme” dhe sugjeroi që gjobat mund të lëshohen për çdo skuadër që tërhiqen.

Lexo po ashtu Zyrtare: Klubet angleze largohen nga plani për krijimin e Superligës Evropiane

“Kontrata e Superligës Evropiane është e detyrueshme. Askush nuk mund të largohet, ne do të punojmë bashkërisht”, ka thënë fillimisht Perez për El Chringuito.

“Të gjitha klubet nënshkruan kontratat të shtunën e kaluar. Nuk ka asnjë problem”, përfundoi presidenti i Superligës Evropiane. /Telegrafi/