Konsumimi i përditshëm i këtyre pijeve mund ta rritë rrezikun e demencës dhe goditjes në tru
Pijet e gazuara dhe lëngjet e frutave në përgjithësi, përmbajnë sasi të mëdha sheqeri dhe ngjyrash artificiale, të cilat mund të kenë një efekt të keq në shëndetin tonë. Megjithatë, edhe pijet dietike nuk janë alternativa më të mira për shëndetin dhe zhvillimin e sistemit nervor.
Gjegjësisht, të dhënat klinike treguan se njerëzit që konsumojnë më shpesh pije të ëmbla, si pijet e gazuara dhe lëngjet e frutave, kanë më shumë gjasa të kenë memorie më të dobët, vëllim më të vogël total të trurit dhe vëllim më të vogël të hipokampusit, një zonë e rëndësishme për kujtesën.
Studiuesit zbuluan gjithashtu se njerëzit që pinin pije të gazuara dietike çdo ditë, kishin pothuajse tri herë më shumë gjasa për të zhvilluar goditje në tru dhe demencë në krahasim me ata që nuk konsumonin pije të tilla.
“Hulumtimet tona sugjerojnë një lidhje midis konsumimit më të madh të pijeve me sheqer dhe atrofisë së trurit, duke përfshirë vëllimin më të vogël të trurit dhe kujtesën më të dobët”, ka shpjeguar Dr. Matthew Pase – njëri nga autorët e studimit.
“Ne zbuluam gjithashtu se njerëzit që pinin pije të gazuara diete çdo ditë kishin pothuajse tri herë më shumë gjasa për të zhvilluar goditje në tru dhe demencë. Kjo përfshinte një rrezik më të lartë për goditje në tru (ku enët e gjakut në tru bllokohen), por edhe për sëmundjen Alzheimeri, forma më e shpeshtë e demencës”, ka shtuar Pase lidhur me të dhënat që janë publikuar në revistën Alzheimer’s & Dementia dhe revistën Stroke.
Është e ditur se sheqeri i tepërt ka efekte negativ në shëndet. Pijet freskuese dietike shpesh reklamohen si një alternativë më e shëndetshme ndaj lëngjeve të rregullta. Megjithatë, konsumimi i sheqerit dhe i pijeve artificialisht të ëmbëltuara, shoqërohet me faktorë rreziku kardiometabolik, duke rritur rrezikun e sëmundjeve vaskulare dhe demencës.
Edhe pse studiuesit sugjerojnë se njerëzit duhet të jenë të kujdesshëm me konsumimin e rregullt të pijeve të gazuara dietike ose pijeve me sheqer, është shumë herët të thuhet se vëzhgimet e tyre përfaqësojnë shkakun dhe pasojën. Nevojiten shumë studime tjera për të shqyrtuar nëse ëmbëlsuesit artificialë shkaktojnë efekte të padëshiruara në tru. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë