Glauk Konjufca e ka paditur për shpifje deputetin Milaim Zekam lidhur me deklaratat e e bërë në një emision televiziv, se Konjufca ka qenë i përfshirë në një skandal seksual në zyrat e Vetëvendosjes.
Ai ka kërkuar 50 mijë euro dëmshpërblim, pasi konsideron se kjo deklaratë e ka dëmtuar reputacionin e tij publik. Për më tepër në padi thuhet se Zeka ka qenë në dijeni se kjo deklarata është e pavërtetë por e ka bërë atë me qëllim.
Sipas padisë që ka siguruar Insajderi, Zeka në emisionin “Dossier D” të RTV Dukagjinit ka thënë se Konjucfa ka qenë i përfshirë në skandalin seksual në zyret e Vetëvendosjes dhe se për këtë ka video incizime.
“Mue nuk më fyen një njeri për të cilin sipas njerëzve ka dëshmi video-incizime për ato treshet e famshme në zyret e Vetëvendosjes që kanë bo abuzime seksuale”, ka thënë Zeka në emision.
Për këtë deklaratë Zeka është paditur nga Konjufca. Padia është dorëzuar sot në Gjykatën Themelore të Prishtinës.
“Pretendimet e të paditurit përmes kësaj interviste i përmbushin të gjitha elementet e veprës së shpifjes dhe fyerjes ndaj të paditurit, bazuar në faktin se deklarata nuk është e vërtetë dhe është tejet nënçmuese duke përfshirë edhe dëmtimin e rëndë të reputacionit të z.Glauk Konjufca. Përveç kësaj i padituri ka qenë në dijeni se deklarata e tillë është e pavërtetë dhe e pasaktë, por e ka bërë atë me qëllim të dëmtimit dhe zhvlerësimit të reputacionit si dhe cenimit të imazhit publik të paditësit”, thuhet në padi.
Në padi thuhet se Zeka në mënyrë flagrante ka shkelë ligji kundër Shpifjes dhe Fyerjes pasi me deklaratat e tij e ka dëmtuar jashtëzakonisht shumë reputacionin e Konjufcës në raport me publikun.
Sipas kësaj padie Zeka ka keqpërdorur në mënyrën më të ulët lirinë e shprehjes me qëllim diskreditimit të deklaratave të Konjufcës gjatë diskutimit parlamentar ku ai theksoi përfshirjen në një rast gjyqësor për mashtrim për të cilin rast ekziston edhe një aktakuzë kundër të paditurit.
Konjufca ka kërkuar 50 mijë euro për kompensim të dëmit jo-material për shpifje.
“Paditësi konsideron se për shkak të përjetimit të dhimbjes shpirtërore, denigrimit të personalitetit dhe cenimit të dinjitetit, lartësia e dëmit të shkaktuar jomaterial do të duhet të kompensohet në të holla në detyrim të ligjit për Marrëdhëniet e Detyrimeve dhe për këtë i njëjti i propozon Gjykatës që konpenzimi të bëhet në emër të këtij dëmi dhe atë në shumë prej 50 mijë euro”, thuhet në padi.
Promo
Reklamo këtuLufta Prigozhin - Putin
Më shumëProfesori shqiptar nga Londra: Në Britani të Madhe i gjithë spektri politik është pro Kosovës
Një milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
Parlamenti britanik miratoi mocionin e Alicia Kearns për Kosovën
Në automjetin me targa të Serbisë, policia konfiskoi 390 kg duhan kontrabandë në Gjilan
Deputeti i LVV-së akuzon opozitën, Basha: Po i shtrembëron raportet ndërkombëtare për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe