Gjatë kohës që një fëmijë katërvjeçarë ishte duke luajtur në oborrin e çerdhes publike “Gëzimi Ynë”, në Prishtinë u kafshua nga një qen.
Kjo ngjarje ka ndodhur gjatë ditës së martë dhe ka ngjallur reagime rreth problemit me qentë endacakë brenda territorit të Komunës së Prishtinës, problem ky me të cilin ka kohë që qytetarët e Prishtinës përballohen.
Në lidhje me këtë për Telegrafin ka folur Zyrtari për Hapësira Publike në Komunën e Prishtinës, Habib Qorri.
Ai tha se në lidhje me kafshimin e fëmijës nga qeni, përgjegjës janë menaxherët e kopshtit dhe jo Komuna e Prishtinës.
“Këto janë përgjegjësi të menaxherëve të kopshtit sepse mirëmbajtja e institucionit i takon atyre. Në rrethojat paska qenë një vrimë prej ku ka depërtuar qeni, sepse qentë tash lëvizin dhe janë në kërkim të ushqimit dhe ka hy brenda dhe ka has në fëmijën”, deklaroi ai.
Mirëpo se gjendja me qentë endacakë në Prishtinë është alarmante e pohoi edhe Qorri.
Ai tha se mënyra më e mirë është vendosa e mikroçipave tek qentë që të evidentohet adresa e tyre.
“Gjendja me qentë endacak në Komunën e Prishtinës nuk është e mirë sepse është një numër jashtëzakonisht i madh i tyre që frekuentojnë si në zonat urbane por edhe në ato rurale. Në bashkëpunim me Agjencinë e Veterinës, jemi dakorduar që të fillojmë me kontratat e fundit që të bëjmë vendosjen e mikroçipave në mënyrë që të evidentohen dhe secili qen që trajtohet brenda territorit të Prishtinës, ai tashmë do të ketë edhe adresë”, tha ai.
E shqetësuar për qentë në Prishtinë u shpreh edhe qytetarja Florentina Mehanolli.
Ajo tha se është e frikësuar prej qenëve pasi shton se kur ata janë në grup sulmojnë edhe më shumë.
“Është ballafaqimi më i vështirë i Kosovës për momentin. I shoh shumë endacak që janë të qetë kur janë vetëm mirëpo kur po bëhen nga pesë ose gjashtë qenë, po e sulmojnë dikënd. Unë mundem me e cek, se jam në gjendje që nëse shoh qenë ta kaloj rrugën, as nuk e shikoj semaforin, jam në gjendje t’i dalë veturës përpara sesa me m’sulmu qentë”, theksoi Mehanolli për Telegrafin.
E frikësuar nga qentë endacak sikurse nëna e saj është edhe vajza e vogël e Florentina Mehanollit.
“Unë frikësohem prej qeneve, nuk më pëlqen kur ka shumë qenë sepse të sulmojnë dhe na e thyejnë xhamin sepse i kanë thonjtë e mëdhenj”, tha ajo.
Kurse qytetari Shaqir Foniqi, tha se qentë janë paqësorë dhe vetëm nëse i ngacmon, ata të sulmojnë.
“E lexova dikund që deri në fund të vitit do të trajtohen rreth 5000 qenë. Po mendoj që ka mënyra, duhet tu sigurohet ambienti i tyre. Unë them që qeni është paqësorë dhe vetëm nëse e ngacmon të sulmon”, u shpreh ai.
Rastet kur qentë endacakë sulmojnë qytetarë në kryeqytet nuk janë të pakta, në dhjetor të vitit të kaluar qentë sulmuan edhe ekipin e Telegrafit, në kampusin e Universitetit të Prishtinës./Telegrafi/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Server: Qeveria e re e Serbisë me bashkëpunëtorë të sulmit terrorist të Banjskës
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak