Komuna e Prishtinës ndalon përdorimin e fishekzjarrëve për festat e fundvitit

Kryetari i Komunës së Prishtinës, Shpend Ahmeti, ka lëshuar sot Urdhëresën për ndalimin e përdorimit të mjeteve piroteknike në vendet e hapura publike, përkatësisht në tregje, rrugë dhe sheshe.

Sipas një njoftimi të Komunës së Prishtinës, ndalesa vlen për periudhën nga data 3 dhjetor, deri më 3 janar.

“Kushdo që vepron në kundërshtim me këtë Urdhëresë, do të gjobitet 100 euro”, thuhet në njoftim.

Njoftimi i plotë:

Në bazë të nenit 13 të Ligjit për vetëqeverisjen lokale, nr.03/L-M0, (“Gazeta zyrtare e Republikës së Kosovës” nr. 28/2008), dhe të nenit 53 të Statutit të Komunës së Prishtinës, nr. 01-110-391, të dt.25.02.2010, Kryetari i Komunës së Prishtinës, nxjerr këtë:

URDHËRESË

PËR NDALIMIN E PËRDORIMIT TË PRODUKTEVE PIROTEKNIKE

I

Ndalohet përdorimi i produkteve piroteknike në vendet e hapura publike, përkatësisht në tregje, rrugë dhe sheshe.

II.

Ndalesa sipas pikës I të kësaj urdhërese vlen për periudhën prej 30 dhjetor 20L8 deri më
03 janar 2019.

III.

Personat të cilët veprojnë në kundërshtim me dispozitat e kësaj urdhërese do të gjobiten
në shumë prej 100 euro.

IV.

Për zbatimin e kësaj urdhërese kujdeset Drejtoria e Inspekcionit.

V.

Kjo urdhëresë hyn në fuqi ditën e nënshkrimit të saj.