Këshilli për Mbrojtjen e të Drejtave dhe Lirive të Njeriut, ka bërë thirrje tek të gjitha subjektet politike që do të marrin pjesë në zgjedhjet e jashtëzakonshme të kenë kujdes se çfarë fjalori përdorin, duke e eliminuar fjalorin e urrejtjes si mjet dhe mundësi për mbledhje të votave.
Në reagimin e bërë nga KMDLN-j, thuhet se të gjitha subjektet politike garuese në këto zgjedhje ka një kohë të gjatë që e kanë filluar fushatën ndonëse ligji e thotë të kundërtën.
“Debatet televizive dhe në mediet tjera elektronike dhe të shkruara shpërfaqin një fjalor agresiv, denoncues, fyes e që nuk garantojnë një fushatë të drejtë ku do të kemi përballje të programeve politike, perspektivave zhvillimore apo krijimit të kushteve për bashkëbisedim për problemet reale me të cilat përballen qytetarët e Kosovës, votuesit e mundshëm e që, me një fjalë, së paku deri më tani del të jetë një riciklim i premtimeve të fushatave të mëparshme zgjedhore dhe të cilat, ose nuk janë realizuar fare ose janë realizuar në përqindje të vogël”, thuhet në reagimin e bërë nga KMDLNj, transmeton Telegrafi.
Reagimi i plotë:
“MOS E DEGRADONI GJUHËN, ENDE PA FILLUAR FUSHATA
Pas shpërbërjes së Kuvendit të Kosovës, presidenti i Kosovës, në bazë të përgjegjësisë kushtetuese i shpalli zgjedhjet e jashtëzakonshme të cilat do të mbahen me 6 tetor 2019. Pasi u ndanë mjetet financiare për organizim të zgjedhjeve të jashtëzakonshme, KQZ – i filloi përgatitjet duke caktuar që fushata parazgjedhore të filloi me 25 shtator 2019 dhe të përfundoi me 5 tetor 2019. Në fakt , të gjitha subjektet politike garuese në këto zgjedhje ka një kohë të gjatë që e kanë filluar fushatën ndonëse ligji e thotë të kundërtën por, në mungesë të sanksioneve për shkelje të rregullave të fushatës , kjo ka vazhduar papengueshëm ani pse askush nuk e pranon se është duke bërë fushatë. Debatet televizive dhe në mediet tjera elektronike dhe të shkruara shpërfaqin një fjalor agresiv, denoncues, fyes e që nuk garantojnë një fushatë të drejtë ku do të kemi përballje të programeve politike, perspektivave zhvillimore apo krijimit të kushteve për bashkëbisedim për problemet reale me të cilat përballen qytetarët e Kosovës, votuesit e mundshëm e që, me një fjalë, së paku deri më tani del të jetë një riciklim i premtimeve të fushatave të mëparshme zgjedhore dhe të cilat, ose nuk janë realizuar fare ose janë realizuar në përqindje të vogël.
KMDLNj thërret të gjitha subjektet politike që do të marrin pjesë në zgjedhjet e jashtëzakonshme të kenë kujdes se çfarë fjalori përdorin duke e eliminuar fjalorin e urrejtjes si mjet dhe mundësi për mbledhje të votave. Kryetarët e partive politike duhet të sigurojnë publikisht se anëtarët e partisë si dhe garuesit për deputetë të Kuvendit do t’i përmbahen një rregulli dhe disipline në të kundërtën ndaj atyre që nuk i respektojnë rregullat e lojës garuese të ndershme duhet të ndërmarrin masa.
Partitë garuese duhet të jenë modeste në dhënien e premtimeve dhe këmbëngulëse në realizimin e atyre premtimeve që duhet të jenë reale dhe objektive. Premtimet e mëdha dhe fjalët e mëdha e kanë humbur seriozitetin e fushatave të mëparshme prandaj KMDLNj shpreson se këto parti kanë nxjerrë mësim nga e kaluara dhe se nuk do të përsërisin premtimet e njëjta aq më parë që ka ndryshuar si konteksti politik ashtu edhe ai ekonomik.
Organizimi i zgjedhjeve pa një reformë të mirëfilltë zgjedhore e që ka qenë kërkesë afatgjatë dhe e vendosur e shoqërisë civile lë mundësinë për manipulim me votuesit dhe votat e që do të ndikojnë në rezultatin përfundimtar të zgjedhjeve përkundër mekanizmave monitorues që deri më tani janë treguar të efektshëm dhe të suksesshëm.
KMDLNj thërret votuesit që të mos japin asnjë votë për kandidatët potencialë që kanë problem me ligjin përkundër faktit që subjektet politike garuese kanë premtuar se do t’i pastrojnë listat duke mos i futur në listë ata që kanë aktakuza apo ndonjë problem të pasqaruar me ligjin. Pastrimi i listave nga delikuentët e ndryshëm që kanë bërë shkelje të ligjit nuk duhet të bëhet pse këtë e kërkojnë ndërkombëtarët por se është interes dhe nevojë e qytetarëve të Kosovës si njëri ndër kushtet elementare për zhvillim ekonomik.
KMDLNj kërkon nga autoritetet e Kosovës që të ndërmarrin të gjitha masat që të sigurojnë kushte që serbët e Kosovës të kenë mundësi të bëjnë fushatë të papenguar sikur që edhe në ditën e zgjedhjeve të kenë siguri të japin votën për kandidatin apo subjektin e preferuar pa pasur rrezik t’i nënshtrohen dhunës psikike , linçimit medial si dhe dhunës fizike e që ka ndodhur deri më tani duke lejuar ndërhyrje të drejtpërdrejtë të Beogradit.
Në këtë kontekst nuk duhet të lejohet asnjë vizitë e zyrtarëve dhe autoriteteve nga Serbia , që me gjuhën e tyre të urrejtjes dhe përjashtuese kushtëzojnë dhe shantazhojnë votuesit e komunitetit serb të votojnë për Listën Serbe”./Telegrafi/
Lufta Prigozhin - Putin
Më shumëNga Rubrika
Hamza: Jam më i mirë se Kurti në qeverisje, kam përvojë më shumë se Abdixhiku – Haradinaj s’do të jetë kryeministër
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Gjendet e vdekur një grua në Obiliq, policia jep detaje
Pse Mali i Zi votoi kundër Kosovës në KiE, flet Dritan Abazoviq
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Tha se ditë të vështira e presin Serbinë, Vuçiq: Nesër ose pasnesër i merrni përgjigjet
Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes