Klopp po studion mundësitë e transferimit të Wernerit dhe Sanchos te Liverpooli

Trajneri i Liverpoolit, Jurgen Klopp është i gatshëm të eksplorojë mundësinë e nënshkrimit të sulmuesit të RB Leipzig, Timo Werner dhe atij të Borussia Dortmundit, Jadon Sancho.

Reds thuhet se janë të gatshëm të angazhohen për një transferim të dyshes Werner-Sancho këtë verë për 190 milionë euro.

Ylli i Dortmundit dhe Anglisë, Sancho vlerësohet me rreth 133 milionë euro dhe është në radarin e një mori klubesh, përfshirë Chelsean dhe Manchester Unitedin.

Lexo po ashtu Dhjetëshja e lojtarëve më të vlefshëm aktualisht në botë - Messi larg vendit të parë, Ronaldo jashtë ‘top 10’

Werner, 24 vjeç, ka një klauzolë lirimi prej 57 milionë eurosh në kontratën e tij aktuale – dhe gjithashtu po ndiqet nga Chelsea i Frank Lampard.

Sipas mediumit Athletic, Liverpooli është duke e favorizuar një lëvizje për Werner tani për tani, për shkak të çmimit të tij më të ulët.

Lexo po ashtu Carragher: Sancho apo Werner te Liverpooli? Të dy

Ndërsa Sancho është padyshim njëri nga emrat më të lakuar në futbollin botëror, por çmimi i tij e shqetëson Kloppin, i cili mendon se do të krijonte probleme në ekip.  –

Sidoqoftë, Liverpooli mund të bëjë një lëvizje për të dy yjet nëse njëri nga treshja aktuale do të largohej këtë verë. /Telegrafi/