Mediet turke raportojnë se gruaja me shami si dhe me pantallona kamuflazhi, mund të jetë e dyshuara për shpërthimin në Stamboll ku humbën jetën gjashtë persona dhe 81 të tjerë pësuan lëndime.

Reklama

Imazhet të publikuara nga mediumi turk, Sozcu, tregojnë si duket momenti kur e dyshuara, u largua menjëherë pas shpërthimit, transmeton Telegrafi.

Derisa të gjithë ishin në panik, shkruan mediumi turk, në orën 16.13, kur ndodhi shpërthimi në rrugën Istiklal, shihet se e dyshuara është larguar me vrap nga vendi i ngjarjes brenda të njëjtit minutë pas shpërthimit.

Njësitë e sigurisë, të cilat morën masa për kapjen e gruas me një xhaketë lëkure me shami në kokë dhe pantallona kamuflazhi, mblodhën pamjet e kamerave të sigurisë nga shumë pika.

Reklama
Reklama

Të gjitha ekipeve iu dha informacioni për përshkrimin e gruas. Mësohet se në vendngjarje ka dalë deklarata e shoferit të taksisë se gruaja dyshohet se ka kryer aktin terrorist.

Autoritetet turke zyrtarisht deklaruan se një grua mund të ketë pasur rol në sulmin e së dielës. Ministri turk i Drejtësisë, Bekir Bozdag, tha se e dyshuara ishte ulur në stol për 40 minuta, kur pas kësaj ndodhi shpërthimi.

Sipas Al Jazeera-s, e dyshuara thuhet se lëshoi një çantë me eksplozivë në mes të rrugës të mbushur me civilë, dhe shpërtheu disa minuta pasi ajo u largua.

Al Jazeera gjithashtu raportoi se në shpërthim dyshohet se janë të përfshirë tre persona, njëra prej të cilave është gruaja dhe dy burra, të lindur në vitin 2000.

Reklama
Reklama

Një video tjetër në rrjetet sociale ishte edhe ajo e momentit para shpërthimit e cila jepte indikacionin për çantën e vendosur në stol, si burim për shpërthimin e së dielës. /Telegrafi/