“Kishin mbetur edhe 20 apo 30 sekonda dhe ishim jashtë, do ta shohim në fund sa vlejti goli” – Bellginham flet pas fitores ndaj Sllovakisë

Pas fitores dramatike të Anglisë ndaj Sllovakisë në raundin e 1/16 së finales të Euro 2024, mesfushori Jude Bellingham dha një deklaratë emocionuese, duke ndarë ndjenjat e tij për këtë moment të rëndësishëm.

Bellingham tregoi një paraqitje të jashtëzakonshme, duke kontribuar në mbrojtje dhe në sulm, ku u shpall edhe ‘Lojtar i ndeshjes’.

Mesfushori shënoi gol në minutën e pestë të kohës shtesë, për ta dërguar ndeshjen në vazhdime, ku anglezët fituan fal golit të Harry Kane.

“Të luash për Anglinë është një gjë e mrekullueshme, por është gjithashtu shumë presion. Të jesh në fushë dhe të shënosh gola për mua është një çlirim, është një moment shumë i lumtur”.

“Ne luajtëm mirë, përveç golit të tyre. U futëm në situata të mira dhe mund të ishim më klinik, por gjëja kryesore që treguam ishte karakteri”.

Lexo po ashtu Notat e lojtarëve: Anglia 2-1 Sllovakia

“Kanë mbetur 20 ose 30 sekonda dhe ishim jashtë Kampionatit Evropian dhe disponimi tani ka një ndryshim të madh. Është një moment i madh, por është një turne i gjatë dhe do ta dimë vetëm nëse vazhdojmë dhe fitojmë kupën. Do të shohim në dy javët e ardhshme se sa e rëndësishme ishte ky gol”, deklaroi Bellingham.

Mesfushori i Real Madridit kishte katër duele të fituara, tri ndërhyrje vendimtare, një pasim kyç dhe një gol ndaj Sllovakisë.

Me këtë fitore, Anglia avancon në çerekfinalet e Euro 2024 dhe do të përballet me Zvicrën. /Telegrafi/