Kina mendohet të jetë përgjegjëse për lëshimin e rrezeve lazer mbi shtetin amerikan Hawaii

Një satelit kinez duket se fshihet pas dritave misterioze jeshile të javës së kaluar që pulsuan në Hawaii.

Astronomët kanë zbuluar se një satelit kinez lëshoi rreze lazer jeshile mbi shtetin amerikan, transmeton Telegrafi.

Shpërthimet e lazerit fillimisht mendohej se vinin nga ICESat-2 i NASA-s, një satelit orbital i ngarkuar me matjen e lartësisë.

Dritat jeshile u vërejtën për herë të parë nga shkencëtarët në Observatorin Kombëtar Astronomik të Japonisë (NAOJ) në kamerën e yllit Subaru-Asahi të vendosur në teleskopin Subaru.

Më vonë, NAOJ bëri një shënim korrigjues, duke zbuluar se kandidati më i mundshëm përgjegjës për këto rreze lazer ishte Kina.

On Jan 28, 2023, HST, Subaru-Asahi Star Camera captured green laser lights in the cloudy sky over Maunakea, Hawai`i. The lights are thought to be from a remote-sensing altimeter satellite ICESAT-2/43613.
Watch the video:https://t.co/xqoJvSa24s#SubaruTelescope pic.twitter.com/5hhIsewuNp

— Subaru Telescope Eng (@SubaruTel_Eng) January 31, 2023

Më vonë, NAOJ bëri një shënim korrigjues, duke zbuluar se ‘kandidati më i mundshëm’ për rrezet lazer ishte Kina.

Shkencëtarët e NASA-s “bënë një simulim të trajektores së satelitëve që kanë një instrument të ngjashëm dhe gjetën një kandidat më të mundshëm si instrumenti ACDL nga sateliti kinez Daqi-1/AEMS”, tha agjencia.

Agjencia kërkoi falje për konfuzionin, duke thënë: “Ne i vlerësojmë vërtet përpjekjet e tyre në identifikimin e dritës.

“Na vjen keq për konfuzionin tonë në lidhje me këtë ngjarje dhe ndikimin e tij të mundshëm në ekipin e ICESat-2”.

Pamjet e incidentit tregojnë dritën e gjelbër lazer që mbi qiellin me re mbi Maunakea në Hawaii.

Roy Gal i Institutit të Astronomisë në Universitetin e Hawait tha për mediat lokale se sateliti ka të ngjarë të ketë matur ndotësit e mjedisit, por ekspertët e sigurisë amerikane nuk janë të bindur.

Incidenti vjen pas balonës spiune kineze dhe objekteve të tjera të paidentifikuara të rrëzuara mbi SHBA ditët e fundit. /Telegrafi/