LAJMI I FUNDIT:

Kim Jong-un e shpërblen me një shtëpi luksoze ikonën e lajmeve të televizionit shtetëror korean

Kim Jong-un e shpërblen me një shtëpi luksoze ikonën e lajmeve të televizionit shtetëror korean

Ri Chun Hee, spikerja kryesore e lajmeve në televizionin shtetëror në Korenë e Veriut, mori një shtëpi luksoze si dhuratë nga udhëheqësi i Koresë së Veriut, Kim Jong-un.

Ri Chun Hee (78) është bërë një nga zërat më të famshëm në Korenë e Veriut, duke lexuar lajmet më të rëndësishme në dekadat e fundit – testet bërthamore dhe raketore, si dhe vdekjen e ish-liderëve.

Prezantuesja, e cila u mbiquajtur “Zonja Rozë” jashtë vendit për veshjet e saja të ndritshme dhe tradicionale, u bë temë e mediave zyrtare të Koresë së Veriut pasi Kim Jong-un i dha asaj një banesë luksoze dhe i kërkoi të vazhdonte të shërbente fuqishëm si zëri partisë në pushtet.

Ekspertët besojnë se Kim po përpiqet të rrisë mbështetjen që mori nga elita në vendin e tij, i cili po përballet me pasojat e pandemisë dhe ngërçit diplomatik.

Kim tha se pret që prezantuesja e moshuar “të vazhdojë energjikisht punën e saj me shëndet të mirë, siç i ka hije një zëdhënëseje partie”.

Kim u takua me Ri në Phenian, në një zonë banimi të sapondërtuar buzë lumit që u përurua të mërkurën. KCNA thekson se shtëpitë iu dhuruan udhëheqësit dhe të tjerëve që dhanë një “kontribut të spikatur në shërbim të shtetit”.

Rezidenca e gjyshit të Kim dhe themeluesit të shtetit të Koresë së Veriut, Kim Il Sung, ditëlindja e 110-të e të cilit festohet të premten, ishte gjithashtu e vendosur në zonën e lagjes së re të banimit deri në vitet shtatëdhjetë. Është festa më e rëndësishme shtetërore në Korenë e Veriut, e cila është qeverisur me radhë nga tre breza të familjes Kim që nga themelimi i saj në vitin 1948.

Ri tha se shtëpia e saj e re vepron si hotel dhe se e gjithë familja e saj “e kaloi gjithë natën në lot falënderimi për vullnetin e mirë të liderit”, raporton KCNA.

Ajo ka qenë në televizionin shtetëror që nga fillimi i viteve 1970, kur vendi drejtohej ende nga Kim Il Sung dhe gradualisht është bërë fytyra kryesore e propagandës zyrtare. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Bosnja
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Putin me deklaratë qesharake: Jemi sulmuar, prandaj po luftojmë

Putin me deklaratë qesharake: Jemi sulmuar, prandaj po luftojmë

Evropa
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Amerika
Rasti i pazakontë në Kroaci - pensionisti zbret nga një ndërtesë, por jo përmes shkallëve

Rasti i pazakontë në Kroaci - pensionisti zbret nga një ndërtesë, por jo përmes shkallëve

Kroacia
Kalo në kategori