Ndërsa plakemi, shëndeti i trurit tonë bëhet i më i rëndësishëm për ruajtjen e mirëqenies sonë të përgjithshme
Rënia njohëse është një pjesë e natyrshme e plakjes, por hulumtimet e reja tregojnë se disa vitamina dhe minerale mund të luajnë një rol kyç në ruajtjen e funksionit të trurit dhe parandalimin e rënies njohëse që ka të bëjë me moshën.
Acidet yndyrore omega-3
Acidet yndyrore omega-3, veçanërisht acidi eicosapentaenoic (EPA) dhe acidi docosahexaenoic (DHA), janë përbërës integral të membranave qelizore të trurit.
Këto acide yndyrore shfaqin veti antiinflamatore dhe antioksiduese, duke promovuar funksionin e shëndetshëm të trurit. Peshqit yndyrorë si salmoni, arrat, farat e lirit dhe farat chia janë burime të shkëlqyera të acideve yndyrore omega-3.
Konsumimi i rregullt mund të zvogëlojë rrezikun e rënies njohëse dhe të kontribuojë në shëndetin e përgjithshëm të trurit, transmeton Telegrafi.
Fosfatidilserina
Fosfatidylserina është një fosfolipid që është një komponent kyç i membranave qelizore, veçanërisht në tru. Ai ka një rol në çlirimin e neurotransmetuesve dhe është studiuar për potencialin e tij për të mbështetur funksionin kognitiv. Ndërsa trupi prodhon fosfatidilserinë, suplementet që rrjedhin nga soja ose burime të tjera janë gjithashtu të disponueshme, shkruan Times of India.
Antioksidantë (vitamina C dhe E)
Antioksidantët, si vitaminat C dhe E, luajnë një rol kyç në mbrojtjen e trurit nga stresi oksidativ. Stresi oksidativ, i shkaktuar nga radikalet e lira, mund të kontribuojë në rënien njohëse të lidhur me plakjen. Agrumet, manaferrat, arrat, farat dhe perimet me gjethe jeshile janë burime të pasura të vitaminës C, ndërsa vitamina E gjendet në ushqime si bajamet, farat e lulediellit dhe spinaqi.
Vitamina D
Vitamina D nuk është vetëm jetike për shëndetin e kockave, por gjithashtu luan një rol në funksionin njohës. Receptorët e vitaminës D gjenden në të gjithë trurin dhe nivelet e duhura mund të mbështesin neuroproteksionin. Ekspozimi ndaj rrezeve të diellit është një mënyrë natyrale për të rritur nivelet e vitaminës D dhe mund të merret edhe nga ushqimet e fortifikuara dhe suplementet.
Vitaminat B (B6, B9, B12)
Vitaminat B janë thelbësore për funksione të ndryshme të trurit, duke përfshirë sintezën e neurotransmetuesve dhe mirëmbajtjen e mielinës, mbulesën mbrojtëse të fibrave nervore. Vitamina B6 gjendet te bananet, patatet dhe shpendët, ndërsa vitamina B9 (folati) gjendet me bollëk te perimet me gjethe, fasulet dhe thjerrëzat. Vitamina B12, thelbësore për shëndetin neurologjik, gjendet kryesisht në produktet shtazore dhe mangësitë mund të kontribuojnë në rënien njohëse.
Magnezi
Magnezi është i përfshirë në më shumë se 300 reaksione enzimatike në trup, duke përfshirë ato që lidhen me funksionin e trurit. Ndihmon në rregullimin e neurotransmetuesve, promovon plasticitetin sinaptik dhe përmirëson performancën njohëse. Ushqimet e pasura me magnez përfshijnë arrat, farat, drithërat dhe perimet me gjethe jeshile.
Zinku
Zinku është një mineral thelbësor që luan një rol në transmetimin sinaptik dhe kontribuon në strukturën e proteinave në tru. Gjendet në ushqime të tilla si mishi, produktet e qumështit, arrat dhe bishtajore. Nivelet adekuate të zinkut mbështesin funksionin e përgjithshëm njohës dhe mund të kontribuojnë në neuroproteksion.
Kurkumina
Kurkumina, përbërësi aktiv i shafranit të Indisë, ka veti të forta anti-inflamatore dhe antioksiduese. Hulumtimet tregojnë se kurkumina mund të ketë efekte neuroprotektive, duke reduktuar potencialisht rrezikun e rënies njohëse të lidhur me moshën. Përfshirja e saj në gatim ose marrja e suplementeve të kurkuminës mund të ofrojë përfitime njohëse. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe