LAJMI I FUNDIT:

Kështu do të duken kioskat për shitësit ambulant të librit në kryeqytet (Foto)

Kështu do të duken kioskat për shitësit ambulant të librit në kryeqytet (Foto)

Shitësit ambulant të librave në sheshet e kryeqytetit së shpejti do të mund të pajisen me kioska të cilat i ndanë Komuna e Prishtinës.

E për të marrë njërën nga këto kioska të cilat tashmë janë vendosur në sheshin “Zahir Pajaziti”, shitësit do të përzgjidhen përmes një konkursi që do të hapet.


Kështu ka thënë për Telegrafin, zëdhënësi i komunës Adonis Tahiri.

“Ato do të vendosen në sheshin kryesor të qytetit. Ende nuk janë shpërndarë. Do të shpallet konkursi për shfrytëzimin e tyre, dhe në të njëjtën kohë do të specifikohet mënyra e shfrytëzimit dhe e mirëmbajtjes”, ka thënë Tahiri.

Shitësit e librave të cilët shpesh herë janë larguar edhe nga policia, tash e tutje nuk do të përballen me një problem të tillë e madje as me problemet klimatike ku shpesh herë librat kanë pësuar për shkak të shiut./Telegrafi/