LAJMI I FUNDIT:

Kërkohet angazhim më i madh i institucioneve të Maqedonisë për parandalimin e përdorimit të narkotikëve

Kërkohet angazhim më i madh i institucioneve të Maqedonisë për parandalimin e përdorimit të narkotikëve

Qasja e të rinjve deri te drogat dhe substancat e tjera narkotike ditëve të sotme është tepër e lehtë. Sipas statistikave të organizatës HOPS, nëntë për qind e qytetarëve kanë provuar droga të paligjshme, ndërsa ky numër nga mosha 15 deri 24 vjeç është 19 për qind. Të dhënat tregojnë se numri i të miturve të cilët përdorin drogë poshtë-lartë pothuajse është i njëjtë për disa vite me radhë. Të rinjtë thonë që bashkë me evoluimin e teknologjisë po evoluon çdo gjë, këtu duke përfshirë edhe jetën e përditshme por edhe shitjen e paligjshme të substancave ilegale. Ata thonë se marijuana tani mund të gjendet shumë lehtë edhe është një drogë shumë e zakonshme dhe sidomos tek adoleshentët. Sipas tyre, me kalimin e kohës te të rinjtë vërehet se gjithnjë e më shumë po përdoren droga të rënda, të cilat me siguri do të përdoren edhe më shumë në të ardhmen. Edhe pas mbrëmjeve të organizuara, të rinjtë në numër të madh përdorin ekstazi ose amfetaminë si dhe kokainë. Derisa paratë për blerjen e drogave të rinjtë i kursejnë nga paratë e prindërve që u japin pare xhepi për kafe dhe ushqim ditor.

Sipas një hulumtimi të bërë nga AMS, afër 39 për qind e të rinjve thanë se kanë filluar të konsumojnë alkool, cigare dhe substanca psikoaktive (drogë) nga kurioziteti, 29 për qind kanë thënë se nga pakënaqësia me jetën, 24 për qind nga presioni i mjedisit dhe tetë për qind kanë deklaruar se nuk e dinë apo nuk kanë përgjigje.

Sociologu Ilija Aceski, për gazetën KOHA, ka deklaruar se është vështirë të përcaktohen disa hapa që të ndalohet një trend i tillë. Por siç tha ai, në kohë afatgjate mund të përcaktohen disa metoda dhe të parandalohet përdorimi i drogave te të rinjtë. “Njëra nga format ku do të ndikoj në parandalimin e përdorimit të drogave te të rinjtë është njoftimi i nxënëseve me drogat dhe tregimi i pasojave të tyre gjatë procesit edukativo-arsimor. Metoda tjetër është luftimi i grupeve të caktuara që zhvillojnë aktivitetin e tyre në këtë veprimtari, pasiqë në çdo vend edhe te ne ekzistojnë grupe të ndryshme ku dëshirojnë të ketë sa më shumë përdorues të drogës sepse një gjë e tillë u sjell përfitime. Por për momentin shteti nuk po ka fuqi të hy në gjurmët e këtyre grupeve”, deklaroi Aceski. Sipas tij, institucionet shtetërore që janë përgjegjëse për luftën kundër krimit të organizuar dhe drogës, nuk janë mjaftueshëm të organizuar dhe për këtë arsyeje aktiviteti i grupeve kriminale është më i lehtë. Ai ka sugjeruar gjithashtu që në hyrje të shkollave të ketë kontrolle të shtuara ndaj nxënëseve dhe kështu mund të parandalohet sado pak përdorimi i drogave. “Numri i përdorueseve sipas statistikave që kam është rritur tej mase, sidomos te të rinjtë dhe nëse një numër i vogël i tyre bëhen të varur nga droga atëherë do të jetë tragjike për vendin tonë”, u shpreh Aceski. Në fund ai tha se edhe familja ka një rol të rëndësishëm në edukimin dhe përgatitjen e nxënëseve dhe bëri thirrje deri te prindërit e rinj të kenë kujdes më të shtuar ndaj fëmijëve dhe t’i edukojnë nga e mira.

Nga autoritetet shtetërore thonë se sipas statistikave të tyre, gjatë vitit të kaluar për tregti me drogë janë regjistruar 28 vepra penale në të cilat autorë kanë qenë 31 adoleshentë, derisa për veprën penale prodhimi dhe shpërndarja e paautorizuar e drogave narkotike dhe substancave narkotike janë të kryer nga 29 autorë adoleshentë. Ndërsa sa i përket dënimit që do të marrin autorët, kjo varet krejtësisht nga vlerësimi i Prokurorisë dhe Gjykatës.

Në trend Lajme

Më shumë
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Një derë e re për drejtësi: Si do të mund t'i drejtohen kosovarët Gjykatës së Strasburgut?

Një derë e re për drejtësi: Si do të mund t'i drejtohen kosovarët Gjykatës së Strasburgut?

Drejtësi
Gjendet në një humnerë personi i raportuar si i zhdukur në Prevallë

Gjendet në një humnerë personi i raportuar si i zhdukur në Prevallë

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Juristat e UP-së të tretët në botë në garën ndërkombëtare për drejtësi

Juristat e UP-së të tretët në botë në garën ndërkombëtare për drejtësi

Arsim
Kalo në kategori