Suspendimi i kryetares së Gjykatës Themelore në Mitrovicë, Liljana Stevanoviq, ka nxitur reagimin e ministrit të Punëve të Brendshme të Serbisë, Aleksandar Vulin, i cili ka thënë se shkarkimi i gjyqtares serbe është hapi i parë drejt luftës mes dy shteteve.
Deklarata të tilla kërcënuese janë të shpeshta nga ana e Vulinit, por që njohësi i çështjeve të sigurisë së Kosovës, Avni Islami thotë se këto deklarata janë boshe.
Sipas Islamit, këto deklarata bëhen më shumë për konsum të brendshëm.
“Deklaratat e ministrit të mbrojtjes Vulin nuk janë të fundit, pasi që ai në vazhdimësi ka dhënë deklarata kërcënuese ndaj Republikës së Kosovës, pra, ai madje ka shkuar aq larg sa është deklaruar edhe në kundërshtim me deklaratat e presidentit Vuçiq që Serbia do të veprojë ushtarakisht nëse është e nevojshme duke e mbrojtur ‘popullin ose komunitetin serb’.
Deklarata e fundit e tij, është e njëjtë kërcënuese ndaj vendit tonë. Mendoj që përfaqësuesit e komunitetit serb të cilët kanë marrë pjesë në takim me presidentin serb, Aleksandar Vuçiq, pra, thuajse në të gjitha nivelet, është në kundërshtim me vetë interesin e komunitetit serb. Pra mendoj se ata janë të manipuluar nga Aleksandar Vuçiq”, thotë ai.
Islami shton tutje se presidenti serb Vuçiq po i përdor serbët e Kosovës për qëllime personale.
“Ai është duke i përdorur serbët e Kosovës për qëllime personale në prag të zgjedhjeve në mënyrë që të marrë votat e komunitetit serb, të cilat janë rreth 30 mijë vota dhe mund ta vendosin edhe fatin e presidentit”, thekson tutje ai.
Islami thotë se Kosova është e mbrojtur nga NATO, prandaj edhe nuk sheh ndonjë rrezik të mundshëm.
“Nuk janë të rastësishme deklaratat tyre, të dy e dinë se Kosova është në mbrojte, dhe me marrëveshjen e Kumanovës asnjë veprim nuk mund të merret në territorin e Kosovës pasi që është agresion jo ndaj Kosovës, por agresionin ndaj Aleancës Veri-Atlantike. Këto janë deklarata boshe, dhe se unë nuk mendoj që një veprim i tillë nuk guxon ta marrë Serbia në krye me Vuçiqin dhe me ministrin e Mbrojtjes, Vulin. Janë deklarata për konsum të brendshëm, për vota”, është shprehur ai.
Megjithatë, Islami ka thënë se institucionet e Kosovës duhet që gjatë gjithë kohës ta monitorojnë situatën, sepse rreziku mund të vijë nga brenda për ndonjë incident të mundshëm, duke shtuar më tej se nuk beson se mund të ketë destabilizim të situatës.
Ndryshe, Vulini kishte deklaruar se suspendimi i gjyqtares është hapi i parë drejt përfshirjes së Serbisë në konfliktet e armatosura në Kosovë.
“Ky është hapi i parë drejt përfshirjes së Serbisë në konfliktet e armatosura në Kosovë, të cilin shqiptarët (Vulin ka përdorur termin fyes “šiptari) po e përgatisin. Nëse Bashkimi Evropian, i cili është sponsor i Marrëveshjes së Brukselit, nuk mbledh një takim në Bruksel dhe ndalon çfarëdo aksioni të dhunës kundër serbëve në Kosovë, atëherë me të drejtë mund të themi se sulmi i Kurtit nuk erdhi nga koka e tij e helmuar nga urrejtja. Çfarëdo që të sjellin ditët në vijim, është e sigurt se Serbia ka bërë gjithçka për të ruajtur paqen dhe se e gjithë përgjegjësia për stabiliteti i rajonit tani varet nga Bashkimi Evropian, KFOR-i dhe Kurti”, tha Vulin.
Lidhur me suspendimin e Stevanoviqit ka reaguar edhe Zyra për Kosovën në Qeverinë e Serbisë, duke e cilësuar si “skandaloz” vendimin e Këshillit Gjyqësor të Kosovës. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Kryetarët e komunave në Maqedoni kanë shumë pak kompetenca
Sveçla takon delegacionin çek: Serbia vazhdon të ketë aspirata territoriale ndaj vendit tonë
“Serbia po frikëson dhe shantazhon qytetarët e Kosovës”- Qeveria shpalos detaje tjera nga biseda telefonike Kurti-Macron
Ndërtimi i tunelit në rrugën “Agim Ramadani” në Prishtinë, në fazën e prokurimit - Rama publikon pamjet
Anulohet orari i barnatoreve në Prishtinë - nuk do të ketë kufizime
Votoi pro Kosovës në Asamblenë Parlamentare të KiE-së, kërcënohet deputeti boshnjak
Shumica e vendeve të BE-së, pro heqjes së masave ndaj Kosovës
Numri i serbëve në Kosovë po zvogëlohet, por jo për shkak të “terrorit shqiptar”, Knaus: Pretendimet e tilla të Vuçiqit janë mashtrim
Dokumentari i televizionit Rai 3, reagon Rama: Sulmohet Meloni duke hedhur baltë mbi Shqipërinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert